Полигонның Ресей Федерациясына берілген объектілерін пайдалануды қамтамасыз ететін әскери құрамалар Ресей Федерациясы Қарулы Күштерінің құрамына кіреді. Уақытша Қазақстан Республикасы аумағында орналасқан Ресей Федерациясы әскери құрамаларының, оның құрамына кіретін адамдардың және олардың отбасы мүшелерінің статусы, сондай-ақ Ресей Федерациясының хұқық сақтау органдарының Полигон аумағындағы юрисдикция сұрақтары Тараптардың жеке келісімімен анықталады. 2. Әскери құрамалардың штаттық құрылымы мен саны Қазақстан Республикасы Қорғаныс министрлігінің келісімі бойынша Ресей Федерациясы Қорғаныс министрлігімен бекітіледі. 3. Полигон орындайтын тапсырмалар көлемі өзгергенде, Ресей Федерациясы Қорғаныс министрлігі Полигондағы өзінің әскери құрамаларының штаттық құрылымы мен санындағы қажетті өзгертулерді Қазақстан Республикасы Қорғаныс министрлігімен келіседі.