Тармақ 2001 Бап 1 О внесении изменений и дополнений в Закон Казахской ССР "О пенсионном обеспечении граждан в Казахской ССР". "Қазақ ССР-iнде азаматтарды зейнетақымен қамсыздандыру туралы" 1991 жылғы 17 маусымдағы Қазақ ССР Заңына (Қазақ ССР Жоғарғы Кеңесiнiң ведомостары, 1991 ж., N 25, 328-құжат; Қазақстан Республикасы Жоғарғы Кеңесiнiң ведомостары, 1992 ж., N 6, 125-құжат; N 13-14, 323-құжат; N 16, 401-құжат; 1993 ж., N 8, 159-құжат; 1994 ж., N 9-10, 148-құжат) мынадай өзгертулер мен толықтырулар енгiзiлсiн: 1. Заңның атауы мынадай редакцияда жазылсын: "Қазақстан Республикасында азаматтарды зейнетақымен қамтамасыз ету туралы" Қазақстан Республикасының Заңы; 2. Кiрiспе алынып тасталсын. 3. 1-бапта: атауы мен бiрiншi бөлiктегi "Қазақ ССР-iнде" деген сөздер тиiсiнше "Қазақстан Республикасында", "Қазақстан Республикасы" деген сөздермен ауыстырылсын; екiншi және үшiншi бөлiктер алынып тасталсын. 4. 2-бапта: бiрiншi бөлiкте: "Әскери қызметшiлердi зейнетақымен қамсыздандыру туралы" СССР Заңы" деген сөздер "Әскери қызметшiлердi, iшкi iстер органдарының басқарушы және қатардағы құрамының адамдарын және олардың отбасыларын зейнетақымен қамтамасыз ету туралы" Қазақстан Республикасының Заңы" деген сөздермен ауыстырылсын; "ең аз" деген сөз алынып тасталсын; екiншi бөлiктегi "ССРО-да азаматтарды зейнетақымен қамсыздандыру туралы" ССРО Заңы және" деген сөздер алынып тасталсын; 5. 3-бап мынадай редакцияда жазылсын: "3-бап. Осы Заңның күшi Осы Заңның Қазақстан Республикасының аумағында күшi бар. Зейнетақы алмайтын адамдар, сондай-ақ Заң күшiне енгiзiлгеннен кейiн Қазақстан Республикасына көшiп келген зейнеткерлер үшiн осы Заңның шарттары бойынша еңбек зейнетақысын тағайындау мен қайта есептеу Қазақстан Республикасында талап етiлетiн жұмыс стажының (жалпы жеңiлдiктi немесе арнаулы) кем дегенде тең жартысы болған жағдайда жүргiзiледi. Басқа мемлекеттермен жасасылған әлеуметтiк қамсыздандыру туралы келiсiмдерде (шарттарда) осы Заңдағыдан өзгеше ережелер көзделген болса, тиiсiнше осы келiсiмдерде (шарттарда) белгiленген ережелер қолданылады". 6. 8 және 9-баптар мынадай редакцияда жазылсын: "8-бап. Зейнетақы төлеуге арналған қаражат Осы Заң бойынша зейнетақы төлеу Қазақстан Республикасы Зейнетақы қорының қаражатынан жүзеге асырылады. Қазақстан Республикасы Зейнетақы қорының қаражаты Қазақстан Республикасының мемлекеттiк бюджетiнiң құрамына кiрмейдi және әлеуметтiк сақтандыру мақсаттары үшiн бекiтiлген тарифтер бойынша меншiк нысанына қарамастан, Қазақстан Республикасының аумағында орналасқан заңды тұлғалар аударатын қаражат, жеке еңбек қызметiмен айналысатын адамдардың сақтық жарналары, азаматтардың белгiленген сақтық жарналары, азаматтар мен ұйымдардың ерiктi қайырымдылықтары, басқа да аударымдары есебiнен құралады. Қазақстан Республикасының Зейнетақы қоры Қазақстан Республикасы халқын әлеуметтiк қорғау жүйесiне енедi. Қазақстан Республикасының Үкiметi Зейнетақы қоры басқару органдарының құрылымын, ведомстволық бағыныстылығы мен өкiлеттiктер айқындайды және ол туралы Ережені бекiтедi. Зейнетақы қорының қаражаты Қазақстан Республикасының мемлекеттiк банктерiндегi арнаулы шотта сақталады. Сақтағаны және қаражаттың еркiн қалдықтарын пайдаланғаны үшiн банктер зейнетақы қорына келiсiм-шарттарында белгiленген проценттердi төлейдi. 9-бап. Қазақстан Республикасы Үкiметiнiң қарауына енетiн мәселелер Осы Заңда көзделгендерден басқа, Қазақстан Республикасы Үкiметiнiң қарауына, сондай-ақ зейнетақы тағайындау, қайта есептеу және төлеу тәртiбiне, азаматтардың жекелеген санаттарының стажын есептеу ерекшелiктерiн анықтауға, осы Заң белгiлеген кепiлдiктердi сақтай отырып, зейнетақыларға индекстеу мен қосымша төлемдер
жылғы 1 шiлдеден бастап және одан кейiнгi жылдар 63-ке