Бап 13-3 Об оценочной деятельности в Республике Казахстан

Тармақ 1. Республикалық бағалаушылар палатасы өзінің құрамында Қазақстан Республикасының аумағында тіркелген бағалаушылар палаталарының жалпы санының жартысынан астамын біріктіретін коммерциялық емес кәсіптік өзін-өзі қаржыландыратын ұйым болып табылады.

Тармақ 2. Республикалық бағалаушылар палатасының қызметі осы Заңмен, құрылтай шартымен және жарғымен реттеледі.

Тармақ 3. Қазақстан Республикасының аумағында бір Республикалық бағалаушылар палатасы құрылады.

Тармақ 4. Республикалық бағалаушылар палатасының функциялары:

• 1) бағалау қызметі саласындағы мемлекеттік саясатты жетілдіру жөнінде ұсыныстар әзірлеу;
• 2) мемлекеттік органдарда, жергілікті өзін-өзі басқару органдарында, сондай-ақ халықаралық кәсіптік бағалаушылар ұйымдарында бағалаушылар палаталарының мүдделерін білдіру;
• 3) бағалаушылар палаталарының құқықтары мен заңды мүдделерін қорғау;
• 4) бағалау стандарттарын әзірлеуге қатысу;
• 5) бағалаушыларды кәсіптік қайта даярлау бағдарламаларын әзірлеуге қатысу;
• 6) тағылымдамадан өту тәртібі туралы ұсынымдар әзірлеу;
• 7) бағалаушылар палатасына бағалаушылар палаталарының, бағалау қызметі саласында көрсетілетін қызметті тұтынушылардың өтініштерін, өтінішхаттарын, шағымдарын қарау;
• 8) Республикалық бағалаушылар палатасы мүшелерінің тізілімін жүргізу және осы тізілімде қамтылған ақпаратты уәкілетті орган белгілеген тәртіппен мүдделі тұлғаларға беру болып табылады.