Бап 41 О страховой деятельности

Тармақ 1. Сақтандыру саласындағы мемлекеттiк реттеудiң негiзгi мiндеттерi:

• 1) Қазақстан Республикасында тұрақты сақтандыру жүйесiн жасау мен қолдау және ұлттық сақтандыру рыногының инфрақұрылымын қалыптастыру;
• 2) сақтандыру нарығын реттеу, сақтандыру қызметiн бақылау мен қадағалау;
• 3) сақтандырудың негiздерiн заңдармен баянды ету, мiндетті сақтандыру түрлерiн, халықаралық сақтандыру жүйесiне Қазақстан Республикасының қатысу принциптерiн белгiлеу;
• 4) сақтанушылардың, сақтандырылушылардың және пайда алушылардың құқықтары мен заңды мүдделерiн қорғау болып табылады.

Тармақ 1-1. Сақтандыру нарығына кәсіби және өзге де қатысушылардың қызметін мемлекеттік реттеу қағидаттары:

• 1) реттеу ресурстары мен құралдарын тиімді пайдалану;
• 2) сақтандыру нарығына кәсіби және өзге де қатысушылар қызметінің және қаржылық қадағалаудың ашықтығы;
• 3) сақтандыру нарығына кәсіби және өзге де қатысушылардың жауапкершілігі болып табылады.

Тармақ 2. Сақтандыру саласындағы мемлекеттiк саясатты iске асыруды, сақтандыру рыногындағы iстiң жайына мемлекеттiк бақылау жасауды қамтамасыз етудi қоса, уәкiлеттi мемлекеттiк орган және мемлекеттiң өзге де органдары өз құзыретi шегiнде жүзеге асырады.