Сақтандыру ережелерiне өзгерiстер енгiзiлген жағдайда сақтандырушы осы өзгерiстердi келiсу үшiн уәкiлеттi мемлекеттiк органға ұсынуға тиiс."; 19) 826-бапта: 1-тармақта: 2) тармақшадағы "мекен-жайы" деген сөз "тұрған жерi" деген сөзбен ауыстырылсын; 5) тармақшадағы "сақтандыру өтемiнiң мөлшерi, оны төлеудiң тәртiбi және мерзiмдерi" деген сөздер "сақтандыру төлемiн жүзеге асырудың тәртiбi мен мерзiмдерi" деген сөздермен ауыстырылсын; 6) тармақша мынадай редакцияда жазылсын: "6) сақтандыру сыйлықақысының мөлшерi, оларды төлеудiң тәртiбi мен мерзiмдерi"; 7) тармақшадағы "қолданылу мерзiмi" деген сөздер "жасалу күнi және қолданылу мерзiмi" деген сөздермен ауыстырылсын; мынадай мазмұндағы 9) - 11) тармақшалармен толықтырылсын: "9) шарттың (сақтандыру полисiнiң) номерi, сериясы; 10) шарттың талаптарына өзгерiстер енгiзу жағдайлары мен тәртiбi; 11) сатып алу сомасын (жинақтаушы сақтандыру үшiн) төлеудiң шарты және оның мөлшерi."; мынадай мазмұндағы 4 және 5-тармақтармен толықтырылсын: "4. Егер қайта сақтандыру шартында өзгеше көзделмесе, қайта сақтандырушының қайта сақтандыру шарты бойынша жауаптылық кезеңi сақтандырушының сақтандыру шарты бойынша мiндеттемесi қайта сақтандыруға берiлген сақтандыру шарты бойынша жауаптылық кезеңiне сәйкес келуге тиiс. 5. Сақтандыру шартында көрсетiлуге тиiс талаптардың толық болмағаны үшiн сақтандырушы жауапты болады. Оның жекелеген талаптарының толық болмауы салдарынан сақтандыру шарты бойынша дау туындаған жағдайда дау сақтанушының пайдасына шешiледi. Осы тармақтың талаптары қайта сақтандыру шарттарына қолданылмайды."; 20) мынадай мазмұндағы 826-1, 826-2, 826-3-баптармен толықтырылсын: