Бап 13-1 О зерне

Тармақ 1. Тізілімді уәкілетті орган белгілеген тәртіппен құқық және жер кадастрларының деректері, рұқсаттар мен хабарламалар, жеке және заңды тұлғаларды тіркеу, бухгалтерлік есеп және қаржылық есептілік саласындағы орталық атқарушы органдардың, басқа да орталық және жергілікті атқарушы органдардың, сондай-ақ "Азаматтарға арналған үкімет" мемлекеттік корпорациясының мәліметтері негізінде тіркеуші қалыптастырады және жүргізеді.

Тармақ 2. Тізілім деректері мемлекетке тиесілі.

Тармақ 3. Тізілім деректерін уәкілетті орган және жергілікті атқарушы органдар астық нарығы мониторингін жүзеге асыру үшін пайдаланады.

Тармақ 4. Тіркеушінің функциялары:

• 1) тіркеуші ақпараттық жүйе арқылы тізілім деректерін қалыптастыру, жүргізу және сақтау;
• 2) клиенттің жеке шотын ашу;
• 3) жеке шот бойынша жекелеген операцияларды тіркеу;
• 4) Қазақстан Республикасының заңдарына сәйкес тіркеуші ақпараттық жүйеге қосылған мәліметтерді алу құқығына ие мемлекеттік органдарға ақпарат ұсыну;
• 5) тіркеуші ақпараттық жүйені пайдаланушыларға ақылы электрондық қызметтер көрсету;
• 6) тіркеуші ақпараттық жүйенің веб-порталында ақпаратты жариялау;
• 7) Қазақстан Республикасының заңнамасына сәйкес өзге де функциялар.