Бап 6 О туристской деятельности в Республике Казахстан

Тармақ 1. Қазақстан Республикасында туризм:

• 1) туризм түрлері бойынша;
• 2) салалық қағидат бойынша;
• 3) субъектілік қағидат бойынша;
• 4) объектілік қағидат бойынша сыныпталады.

Тармақ 2. Туризм түрлері халықаралық және ішкі туризмді қамтиды.

Тармақ 3. Халықаралық туризм мыналарды қамтиды:

• 1) Қазақстан Республикасының аумағында тұрақты тұрмайтын адамдардың оның шегiндегi саяхаттары деп түсінілетін келу туризмi;
• 2) Қазақстан Республикасының азаматтары мен Қазақстан Республикасында тұрақты тұратын адамдардың басқа елге саяхаттары деп түсінілетін шығу туризмi.

Тармақ 4. Қазақстан Республикасының азаматтары мен оның аумағында тұрақты тұратын адамдардың Қазақстан Республикасының шегiндегi саяхаттары ішкі туризм болып табылады.

Тармақ 5. Салалық қағидат бойынша туристік қызметтерді көрсетуге және нақты саладағы объектілермен және қызметпен танысуға деген туристік қажеттіліктерді қанағаттандыруға байланысты туризм бағыттары ажыратылады.

Тармақ 6. Субъектілік қағидат бойынша туристердің өздерінің мәртебесіне (жасына, кәсібіне және басқаларына) байланысты туризм бағыттары ажыратылады.

Тармақ 7. Объектілік қағидат бойынша туристердің нақты объектілерге және (немесе) оқиғаларға баруына байланысты туризм бағыттары ажыратылады.