Тармақ 1. Алқаның судья қызметiне тағайындау туралы ұсынымы конкурстық қараудың нәтижесi бойынша берiледi. 2. Тиiстi уәкiлеттi мемлекеттiк органның аудандық немесе соған теңестiрiлген сот судьясы қызметi орнының босағаны туралы ұсынысы Алқаның конкурс өткiзуiне негiз болып табылады. 3. Судьяның бос қызмет орнына орналасуға кандидатуралар iрiктеу жөнiндегi конкурстың өткiзiлетiн мерзiмi мен орны туралы хабарламаны Алқа конкурс өткiзуден бiр ай бұрын республикалық бұқаралық ақпарат құралдарының ресми басылымдарында мемлекеттiк тiлде және орыс тiлiнде жариялайды.