Тармақ 1. Қазақстан Республикасының азаматтық әуе кемелерiн оларға берiлетiн құқықтарды және олармен жасалатын мәмiлелердi уәкiлеттi орган Қазақстан Республикасы азаматтық әуе кемелерiнiң мемлекеттiк тiзiлiмiнде мiндеттi мемлекеттiк тiркеуге тиiс. Уәкiлеттi органның азаматтық әуе кемелерiне меншiк құқығын және басқа құқықтарды, сондай-ақ азаматтық әуе кемелерiне ауыртпалықтарды Қазақстан Республикасы азаматтық әуе кемелерiнiң мемлекеттiк тiзiлiмiнде есепке алу рәсiмi мемлекеттiк тiркеу болып табылады. 2. Қазақстан Республикасының азаматтық әуе кемелерiне құқықтар мемлекеттiк тiркеу объектiлерi болып табылады. Мыналар: 1) меншiк құқығы; 2) шаруашылық жүргiзу құқығы; 3) оралымды басқару құқығы; 4) мүлiктi жалға алу құқығы; 5) сенiмгерлiкпен басқару құқығы; 6) кепiл; 7) азаматтық әуе кемелерiне өзге де құқықтар, сондай-ақ осы құқықтардың ауыртпалықтары тiркелуге тиiс. 3. Мәмiлелердiң және өзге де заңды фактiлердiң нәтижесiнде азаматтық әуе кемелерiне құқықтардың (ауыртпалықтардың) өзгертiлуi мен тоқтатылуы да тiркелуге тиiс. 3-1. Әуе кемесіне тіркелген құқықтар (құқықтар ауыртпалықтары) және онымен жасалатын мәмілелер туралы мәліметтер жылжымайтын мүлікке тіркелген құқықтардың және онымен жасалатын мәмілелердің бірыңғай мемлекеттік тізіліміне (құқықтық кадастрға) енгізілуге тиіс. 4. Мемлекеттiк тiркеу үшiн ұсынылатын құжаттардың тiзбесiн уәкiлеттi орган бекiтедi. N 311