Қазақстан Республикасы Үкiметiнің өкiлеттiгiне мыналар жатады: 1) Қазақстан Республикасының азаматтық авиация саласындағы халықаралық ынтымақтастығы; 2) авиациялық қауiпсiздiк ережелерiн бекiту; 3) азаматтық әуе кемелерiмен тасымалдауға арналған қауiптi жүктердiң тiзбесiн бекiту; 4) 5) Қазақстан Республикасының әуе кемелерiн, оларға берiлетiн құқықтарды және олармен жасалатын мәмiлелердi, сондай-ақ оларға берiлетiн құқықтарды куәландыратын құжаттардың нысанын мемлекеттiк тiркеу тәртiбiн айқындау; 6) 7) 7-1) 8) авиамаршрутқа конкурс өткiзу ережелерiн бекiту; 9) авиамаршруттарға куәлiктер беру ережелерiн бекiту; 10) авиамаршруттарға субсидиялар жұмсау тәртiбiн бекiту; 11) тағайындалған тасымалдаушыны анықтау; 12) флагмандық әуе тасымалдаушысын анықтау және оны анықтау ережелерiн бекiту; 13) рұқсаттар беру ережелерiн бекiту; 14) уақытша басқару енгiзуге келiсiм беру; 15) 15-1) Қазақстан Республикасының аумағында жұмыс iстейтiн азаматтық авиация саласындағы қызметтi жүзеге асыратын шетел авиакомпаниялары мен ұйымдарын, олардың филиалдары мен өкiлдiктерiн аккредиттеу тәртiбi мен шарттарын айқындау. 16) 17) азаматтық әуе кемелерiнiң ұшу жарамдылығы нормаларын белгiлеу; 18) азаматтық әуе кемелерiн және аса жеңiл авиацияның әуе кемелерiн пайдаланушының сертификаттарын , тип сертификаттарын , аэродромның жарамдылық сертификаттарын , ұшу жарамдылығы сертификаттары мен нұсқа сертификаттарын сертификаттау және беру тәртiбiн бекiту; 19) азаматтық авиация саласындағы еңбек қауiпсiздiгi мен өндiрiстiк санитарияны қамтамасыз ету тәртiбiн айқындайтын, сондай-ақ ұшуларға аэронавигациялық қызмет көрсету жөнiндегi нормативтiк құқықтық актiлердi бекiту; 20) ұшу қауiпсiздiгi мен авиациялық қауiпсiздiк мәселелерi бойынша нормативтiк құқықтық актiлердi бекiту ; 21) ұшуды және авиациялық электр байланысын радиотехникалық қамтамасыз ету саласындағы нормативтiк құқықтық актiлердi бекiту; 22) азаматтық авиация саласындағы техникалық регламенттердi бекiту. N 13 209 222