Бап 21 О присоединении РК к Европейскому соглашению о важнейших линиях международных комбинированных перевозок и соответствующих объектах (СЛКП)
Ағылшын, орыс және француз тілдеріндегі мәтіндері бірдей болыптабылатын осы Келісімнің түпнұсқасы Біріккен Ұлттар Ұйымының Бас хатшысына сақтауға тапсырылады.
Тармақ 1. Қазiргi заманғы өндiрiс әдiстерiне және тауарларды бөлуге негiзделген көлiк ағындарының тиiмдiлiгiн және қозғалыс жылдамдығын қамтамасыз ету мақсатында халықаралық құрамдастырылған тасымалдар мынадай талаптарға жауап беруi тиiс:
1) а) тұтынушылардың талаптарына (атап айтқанда жүктердi тиеyдiң ең кеш уақытын және ең ерте уақытын белгiлеу) сәйкес шығу/келу, тұрақты тасымалдарды жүзеге асыру;
2) b) есiктен есiкке дейiн тасымалдардың шағын ұзақтығы, кестенi сақтаудың жоғары дәлдiгi, жеткiзудiң кепiлдiк берiлген мерзiмдерi;
3) с) көлiктiк рәсiмдер туралы дәл және уақтылы ақпарат беру, жай құжаттама, зиян келтiрудiң шағын қатерi;
4) d) стандартты контейнерлердiң барлық түрлерiн, сондай-ақ Еуропадағы халықаралық қатынаста автомобиль көлiгiмен тасымалданатын барлық жүк бiрлiктерiн тасымалдауды жүзеге асыру қабiлеттiгi. Осыған байланысты жүк бiрлiктерiнiң салмағы мен көлемiн өлшеу саласындағы үрдiстердің болжамына жататындарды ескерген жөн.
1) а) есiктен есiкке дейiн автомобиль көлiгiмен тасымалдау жылдамдығына сәйкес немесе асып кетуi тиiс тасымалдар (барлық аялдамаларды ескерiп, шығу пунктiнен келу пунктiне дейiн) жылдамдығын жоғарылату;
2) b) жүк алушылардың жұмыстан тыс сағаттарын (мысалы, тасымалдарды түнгi уақытта жүзеге асыру) тұтынушылардың талабы бойынша таңғы уақытта жүктi тапсыра алатындай етiп пайдалану;
3) с) тиiстi жабдықтың жеткiлiктi санын және инфрақұрылымның әлеуетiн (мысалы, тиеудiң барабар көлемдерiн) қамтамасыз ету;
4) d) мүмкiндiгiнше, тiкелей қатынастағы поездарды пайдалану (яғни, тасымалдау барысында басқа поездарға жөнелтiлiмдердiң шамадан артық тиелуiне жол бермеу немесе барынша қысқарту);
5) е) байланыстың қазiргi заманғы жүйелерiн пайдалану арқылы көлiк ағынын жетiлдiру жөнiнде шаралар қабылдау арқылы қанағаттандырылуы тиiс.
Тармақ 3. Жоғарыда көрсетiлген талаптардың сақталуын және қамтамасыз ету үшiн поездар мен инфрақұрылым тиiмдiлiктiң тиiстi деңгейiн қамтамасыз етуi тиiс, яғни тасымалдардың осы бағытында барлық тиiстi құзыреттi органдар сақтауы тиiс кейбiр ең төмен талаптарға жауап беруi тиiс.
Тармақ 4. Төменде келтiрiлген параметрлер мен талаптар, атап айтқанда тасымалдар көлемi үлкен бағыттар үшiн, яғни тiкелей қатынастағы поездармен немесе iрi вагондық партиялармен тұрақты тасымалдар жүзеге асырылатын бағыттар үшiн белгiленген. Егер тұтынушылар мен тиiстi темiр жолдардың талаптарына жауап берсе, жалғыз вагондардың немесе арнайы жөнелтімдердiң тасымалын бұрынғыдай, кәдiмгi жүк поездарымен жүзеге асыруға болар едi.
Тармақ 5. Халықаралық құрамдастырылған тасымалдар үшiн пайдаланылатын поездар мынадай ең төмен талаптарға жауап беруi тиiс:
11) Егер тiкелей қатынастағы поездар қозғалысын ұйымдастырса, онда поездар мүмкіндiгiнше тек вагондардың аз санынан тұруы тиiс, бұл ретте әр топтың вагондары бiр ғана жеткізу пунктiне жүруi тиiс. Сонымен қатар, пайдалану себептерi бойынша немесе шекаралық бақылау мақсатында жолдарда аялдама жасалмау керек.
Тармақ 6. Жылжымалы құрам жоғарыда көрсетiлген жылдамдық пен бiлiкке түсетiн жүктемеге қатысты стандарттарға жауап беруi, сондай-ақ салмақ пен көлем ескерiлуi тиiс барлық жүк бiрлiктерiн тасымалдау мүмкiндiгiн қамтамасыз етуi тиiс.
Тармақ 7. Құрамдастырылған тасымалдар үшiн пайдаланылатын поездар барынша үлкен басымдылықты пайдалануы тиiс. Олардың қозғалыс кестесін тасымалдар сенiмдiлiгi мен тұрақтылығына қатысты тұтынушылардың талаптарына жауап беретiндей етiп құрған жөн. ____________________ * Бұл көрсеткiштерге шамамен 2000 жылға дейiн қол жеткiзiлуi тиiс. Егер халықаралық құрамдастырылған тасымалдарды дамытуға кедергi жасамаса, анағұрлым жоғары көрсеткiштер көрсетiлген мерзiмнен ертерек енгiзiлуi мүмкiн.
Тармақ 8. Құрамдастырылған тасымалдарға арналған темiр жол желiлерiнiң күндiзгi өткiзу қабiлеттiгi құрамдастырылған тасымалдар үшiн пайдаланылатын поездардың тұрып қалуын болдырмас үшiн жеткiлiктi болуы тиiс. Осындай поездар жұмыстан тыс сағаттарда тұрып қалмауы тиіс.
Тармақ 9. Темiр жол желiлерiн жетiлдiру үшiн III қосымшада келтiрiлген параметрлер қолданымды.
Тармақ 10. Терминалдарда жөнелтілімдердi тиiмдi өңдеу мақсатында мынадай талаптар орындалуы тиiс:
1) а) Жүктердi пайдалану мен вагондарды жөнелту арасындағы, сондай-ақ поездардың келуi және, егер тұтынушылардың жүктердi қабылдаудың немесе тапсырудың соңғы мерзімiне қатысты талаптары басқа құралдармен қанағаттандырылмаса, бiр сағаттан аспауы тиiс вагондардың жүк бiрлiктерiн түсiруге дайындығы арасындағы соңғы мерзім ең төмен уақыттық үзілістi қамтамасыз ету;
2) b) Жүк бiрлiктерiн жеткiзудi және жинауды қамтамасыз ететiн автокөлiк құралдарының тұрып қалуын (кемiнде 20 минуттан) мүмкіндігінше қысқарту;
3) с) Терминалдың орналасуы:
4) - оған экономикалық орталықтардан автожолдар арқылы жылдам және жеңiл кiруге болатындай;
5) - темiржол желiлерi шегiнде оның магистральдық темiржол желiлерiмен жақсы байланысы, ал вагондар тобын тасымалдау жағдайында - құрамдастырылған тасымалдар үшiн пайдаланылатын жүрдек поездарға жақсы қол жеткiзiлiм болатындай етiлiп таңдалып алынуы тиiс.
Тармақ 11. Төменде келтiрiлген аралық станцияларға қойылатын талаптар да терминалдарға жатады.
Тармақ 12. Құрамдастырылған тасымалдар үшiн пайдаланылатын поездардың жолындағы аялдамалар техникалық немесе пайдалану себептерi бойынша, мысалы, станцияларда вагондар тобын алмастыру немесе жұп доңғалақтарын ауыстыру, керi жағдайда қосымша тоқтауды талап ететiн (яғни, шекаралық бақылау, локомотивтi ауыстыру үшiн) жұмыстарды жүргiзу үшiн бiр уақытта пайдаланған жөн.
Тармақ 13. Шығу және келу станциялары арасындағы құрамдастырылған тасымалдар, мүмкiндiгiнше, тiкелей қатынастағы поездармен жүзеге асырылуы тиiс. Егер бұл жөнелтiмдердiң көлемi аз болуы салдарынан экономикалық орынсыз болған жағдайда және егер осыған байланысты құрамдастырылған жөнелтiмдерді тиеу-түсіру сөзсіз қажет болса, олар, тiптi болмағанда, вагондар тобымен жүзеге асырылуы тиiс. Осы операцияларды жүзеге асыру үшiн аялдау ұзақтығы әрбiр жағдайда 30 минуттан аспауы тиiс. Бұған вагон топтарымен алмасу станцияларының барабар инфрақұрылымын құрумен қатар тиiстi поездарды (олардың маршрутының ұзақтығы шекаралардан өтудi қоса алғанда, мүмкiндiгiнше, жоғары болуы тиiс) қалыптастыру арқылы қол жеткiзуге болар едi.
Тармақ 14. Құрамдастырылған тасымалдар үшiн пайдаланылатын поездар, мүмкiндiгiнше, барлық маршруттар бойынша вагон топтарымен алмасуды жүзеге асыру қажет станцияға дейін шекаралардан өту арқылы немесе жолда тоқтамай соңғы пунктiне дейiн жүруi тиiс. Шекараларда аялдамалар, мүмкiндiгiнше, алынып тасталуы тиiс, ал егер мүмкiн болмаса, онда олардың ұзақтығы елеулi мәнсiз болуы тиiс (30 минуттан артық емес). Бұған:
1) - шекарада әдетте жүргiзiлетiн жұмыстардан бас тарту арқылы немесе егер бұл мүмкiн болмаса, оны поездар техникалық және/немесе әкiмшiлiк сипаттағы себептер бойынша кез келген жағдайда тоқтауға мәжбүр болатын iшкi пункттерде орындау арқылы;
2) - бiр аялдауды жүзеге асыру арқылы немесе жалпы шекаралық станциялардағы аялдамалардан толық бас тарту арқылы қол жеткiзiлуi тиiс.
3) с) Доңғалақ жұптарын ауыстыру станциялары
Тармақ 15. Болашақта талаптарды қанағаттандыру үшiн уақыт және шығындар тұрғысынан алғанда тиiмдi рәсiмдер әзiрлеу қажет. Жүк бiрлiктерiн басқа жолтабанға арналған вагондарға қайта тиеуге қатысты терминалдарда қайта тиеуге қойылатын жоғарыда көрсетілген талаптар да қолданылуы тиiс. Мұндай станцияларда доңғалақ жұптарын ауыстыру үшiн аялдау ұзақтығы, мүмкiндiгiнше, аз болуы тиiс. Доңғалақ жұптарын ауыстыру немесе қайта тиеу үшiн қолда бар құралдар тұрақтардың шамалы ұзақтығын қамтамасыз ету үшiн жеткiлiктi болуы тиiс.
Тармақ 16. Тасымалдаудың жалпы шарттары паромдармен тасымалдау шартына сәйкес келуi тиiс. Құрамдастырылған тасымалдар кезiнде айлақтарда аялдау ұзақтығы, мүмкiндiгiнше, аз болуы (мүмкiндiгiнше, 1 сағаттан артық болмауы) тиiс. Паромды порттарда станциялардың тиiстi инфрақұрылымын және тиiстi паромды кемелердi құрудан басқа (төмендегi 17-тармақты қара), бұған мынадай шаралардың көмегiмен:
2) - қозғалыс кестесiн паромды өтпелерде және темiр жолдарда келiсу және кемелердi тиеудi және/немесе құрамдарды қалыптастыру мақсатында уақтылы ақпарат беру арқылы қол жеткiзiледi.
Тармақ 17. Құрамдастырылған тасымалдар үшiн пайдаланылатын паромды кемелер, мынадай талаптарға жауап беруi тиiс:
1) - кемелердiң көлемi мен түрлерi тасымалданатын жүк бiрлiктерiне және вагондарға сәйкес келуi тиiс;
2) - паромды кемелердi жылдам тиеу және түсiрудi жүзеге асыру, сондай-ақ келесi темiр жол тасымалдарының талаптарына сәйкес жүк бiрлiктерiн/вагондарды сақтау (қажет болған жағдайда құрамдастырылған тасымалдарды және жолаушылар және/немесе автомобиль тасымалдарын бөлу);
3) - егер тасымалдар кезінде жүк бірліктері вагондарда қалса, онда паромды кемелер оңай қол жеткізімді болуы тиіс, бұл ретте үлкен уақыт шығынын талап ететін сұрыптау операцияларын жүргізу қажеттілігі алынып тасталуы тиіс. Тиеу көлемі, білікке түсетін жүктеме және т.б. ІІІ қосымшада келтірілген желілерге арналған көрсеткіштерге сәйкес келуі тиіс;
4) - егер жүк бірліктерін тиеу-түсіруді вагондардан бөлек жүзеге асыру қажет болса, онда паромдар мен темір жол терминалдарының арасында болуы мүмкін автомобиль тасымалдарын жүзеге асыру үшін ең қысқа және сенімді автомобиль жолдары болуы тиіс.
5) Қасымбеков Б.
6) Орынбекова Д.
7) Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз