(1) [Қағазғатүсiрiлгенхабарлама] Егер Уағдаласушы тараптың ведомствосына жiберiлген хабарлама қағазға түсiрiлiп ұсынылса және қол қою талап етiлсе, Уағдаласушы тарап: (i) (ііі) тармақшасын ескере отырып, өз қолымен қол қояды; (іі) өз қолымен қол қою орнына қол қоюдың басқа түрлерiн, атап айтқанда, қол қойылған белгi немесе штемпель, не мөр пайдалануға рұқсат етуге ерiктi; (iii) егер хабарламаға қол қоятын жеке тұлға Уағдаласушы тараптың азаматы болып табылса, және ондай тұлғаның мекен-жайы соның аумағында болса, оның өз қолымен қол қою орнына мөр қолдануын талап ете алады; (iv) егер жеке тұлғаның мөрi пайдаланатын болса, мөрде ондай тұлғаның әрiппен көрсетiлген атының қоса жазылуын талап ете алады. (2) [Телефакспенберiлетiнхабарлама] Егер Уағдаласушы тарап хабарламаны өз ведомствосына телефакс арқылы жiберуге рұқсат етсе, егер телефакспен алынған басылымда қолдың бейнесi немесе, (1)(iv) тармаққа сәйкес қажет болғанда мөрi қолданатын жеке тұлғаның атының әрiппен көрсетiлген мөрiнiң бейнесi болса, ол хабарламаға қол қойылған деп есептеледi. (b) (а) тармақшасында аталған Уағдаласушы тарап, бейнесi телефакспен берiлген құжаттың оның ведомствосына Нұсқаулықта жазылған ең қысқа мерзiм ескерiлiп, белгiлi бiр мерзiм iшiнде жеткiзiлуiн талап ете алады. (3) [Электрондықбайланысқұралыменхабарлау] Егер Уағдаласушы тарап оның ведомствосына хабарламаны электрондық байланыс құралы арқылы беруге рұқсат етсе, егер Уағдаласушы тараптың белгiлегенiндей, онда хабарламаны электрондық байланыс құралымен жолдаған жiберушi көрсетiлген болса, мұндай хабарламаға қол қойылған деп есептелiнедi. (4) [Куәлiктiталапетугетыйымсалу] Бiрде бiр Уағдаласушы тарап кез келген қойылған қолдың немесе алдыңғы тармақтарда аталған басқа да тұлғаны куәландыру құралдарының куәландыруын, нотариаттық куәландырылуын, сендiрiлуiн, заңдастырылуын немесе басқадай куәландырылуын Уағдаласушы тараптың заңнамасы тiркеуден бас тартуға байланысты қол қоюдың куәландырылуын көздеген жағдайдан басқа кезде, талап ете алмайды.