Бап 9 О профилактике и ограничении табакокурения

Тармақ 1. Темекi шегуге:

• 1) бiлiм беру ұйымдарында, сондай-ақ кәмелетке толмағандардың демалуына арналған ұйымдарда;
• 2) денсаулық сақтау ұйымдарында;
• 3) қоғамдық тамақтану орындарында;
• 4) кинотеатрларда, театрларда, цирктерде, концерт, көру және көрме залдарында, спорт ареналарында және көпшiлiк демалуға арналған басқа да жабық ғимараттарда;
• 5) мұражайларда, кiтапханаларда және лекторийлерде;
• 6) жергiлiктi және алысқа қатынайтын поездардың, әуе, теңiз және өзен көлiгi кемелерiнiң белгiленбеген орындарында, сондай-ақ қалалық, қалааралық автобустардың, маршруттық таксилердiң және қалалық электр көлiгiнiң салондарында;
• 7) әуежайлардың, темiр жол, автомобиль және су вокзалдарының ғимараттарында;
• 8) мемлекеттiк органдарда, сондай-ақ басқа да ұйымдарда тыйым салынады.

Тармақ 2. Темекi шегу үшiн арнайы жабдықталған орындар бөлiнген жағдайда, осы баптың 1-тармағының 3), 6), 7) тармақшаларында көзделген нормалар қолданылмайды.

Тармақ 3. Жұмыс берушiлер темекi шегу үшiн арнайы орындар бөлуге, әжетхана бөлмелерiнде және осы мақсаттарға арналмаған үй-жайларда темекi шегуге тыйым салуға мiндеттi.

Тармақ 4. Темекi шегу үшiн арнайы бөлiнген орындар санитариялық-гигиеналық ережелер мен нормаларға сәйкес жабдықталуға тиiс. (РҚАО-ның ескертуі: 9-бап 2003 жылғы 1 сәуiрден бастап қолданысқа енгiзiледi (осы Заңның 12-бабын қараңыз).