Тармақ 1. Мемлекет балалардың Қазақстан халқының тарихымен, дәстүрлерiмен, рухани қазыналарымен және әлемдік мәдениет жетiстiктерiмен танысуына мүмкіндiк жасайды.
Тармақ 2. Мемлекет балалардың шығармашылық және ғылыми қабiлетiн дамыту үшiн ұйымдар құруды, кино және бейнефильмдер, теледидар және радио хабарларын шығаруды, балаларға арналған газеттер, журналдар, кiтаптар басып шығаруды көтермелейдi, Қазақстан Республикасының заңдарында белгiленген тәртiппен оларға қолжетiмдiлiктi қамтамасыз етедi.
Тармақ 3. Порнографияны, қатыгездiк пен зорлық-зомбылықты дәрiптейтiн, дәстүрлі емес сексуалдық бағдарды, педофилияны насихаттайтын, адамның қадiр-қасиетiн қорлайтын, балаларға зиянды әсер ететiн және құқық бұзушылыққа ықпал ететiн масс-медианы, телекоммуникация желілерін, онлайн-платформаларды, әдебиеттi, ойын-сауық және басқа iс-шараларды пайдалану заң бойынша қудаланады.