Бап 8 О правах ребенка в Республике Казахстан

Тармақ 1. Әрбiр баланың денсаулық сақтауға бұлжымас құқығы бар.

Тармақ 2. Мемлекет денi сау бала тууды қамтамасыз ету үшiн ананың денсаулығын сақтау жөнiнде жағдайлар жасайды.

Тармақ 3. Баланың денсаулық сақтауға құқығы:

• 1) баланың денсаулығын сақтау саласында Қазақстан Республикасының заңдарын қабылдау;
• 2) балалардың салауатты өмiр салтын насихаттау және ынталандыру;
• 3) балалардың денсаулығын сақтау саласындағы ғылыми зерттеулердi мемлекеттiк қолдау;
• 4) баланың, оның ата-анасының денсаулық жағдайына бақылау жасау және балалар ауруларының алдын алу;
• 5) бiлiктi медициналық көмек көрсету;
• 6) баланың денi сау болып өсiп жетiлуiне қажеттi қолайлы қоршаған орта жасау;
• 7) балалар үшiн сапасы тиiстi деңгейдегі тағам өнiмдерiнің өндiрiлуiне және сатылуына бақылау жасау арқылы қамтамасыз етiледi.

Тармақ 4. Мемлекет Қазақстан Республикасының заңдарына сәйкес балаларға тегiн медициналық көмектiң көлемiне кепілдiк бередi.

Тармақ 5. Баланың өмiрiне, денсаулығына және дене бітімі мен психикасының қалыпты өсiп-жетілуіне зиян келтiретiн кез келген ғылыми тәжiрибелер немесе өзге де эксперименттерге тыйым салынады.