Тармақ 1. Конвенцияның осы тарауына сәйкес артықшылықтар мен иммунитеттерге құқығы бар әрбiр адам, оларды өзi қызметке орналасу үшiн бара жатқан болу мемлекетiнiң аумағына келген сәттен бастап, немесе, егер ол адам сол аумақта тұрып жатса, оның тағайындалуы туралы Қоғамдастық немесе жiберушi мемлекет болу мемлекетiне хабарлаған сәттен бастап пайдаланады.
Тармақ 2. Тұрақты өкiл немесе Тұрақты өкiлдiктiң қызметкерi қайтыс болған жағдайда, оның отбасы мүшелерiнiң құқығы бap артықшылықтар мен иммунитеттердi пайдалануы болу мемлекетi аумағын тастап шығу үшiн қисынды мерзiм өткенге дейiн жалғаса бередi.
Тармақ 3. Тұрақты өкiл, Тұрақты өкiлдiк қызметкерi немесе онымен бiрге тұратын отбасы мүшесi қайтыс болған жағдайда болу мемлекетi, болу мемлекетiнiң аумағы шегiнде сатып алынған және ол қайтыс болған кезде алып кетуге тыйым салынған бүкiл мүлiктi есептемегенде, қайтыс болған адамның жылжымалы мүлкiн алып кетуiне рұқсат бередi. Тұрақты өкiл, Тұрақты өкiлдiк қызметкерi немесе оның отбасы мүшесi сипатында қайтыс болған адамның осы мемлекетте болуына байланысты ғана себеппен болу мемлекетiндегi жылжымалы мүлкiне мұрагерлiк етуге арналған әртүрлi салық түрлерi алынбайды.