Тармақ 1. Осы Хаттамада жер қойнауын пайдалануға арналған егемендiк құқықтарын жүзеге асыру мақсатында Қазақстан Республикасы мен Ресей Федерациясы арасындағы Каспий теңiзiнiң солтүстiк бөлiгiнiң түбiн межелеудiң модификацияланған ортадағы сызығының өтуiне қатысты географиялық координаттар белгiленедi.
Тармақ 2. Каспий теңiзi солтүстiк бөлiгiнiң түбiн межелеудiң модификацияланған ортадағы сызығының бұрылыс нүктелерi географиялық координаттарының каталогы осы Хаттаманың ажырамас бөлiгi болып табылады ( 1-қосымша ).
Тармақ 3. Модификацияланған ортадағы сызық каталогқа сәйкес Тараптар келiскен Каспий теңiзi солтүстiк бөлiгiнiң түбiн межелеу схемасына түсiрiлдi ( 2-қосымша ).
Тармақ 4. Солтүстiк ендiктiң 46 0 13 ' ,3 және шығыс бойлықтың 49 0 26 ' ,4 координаттары бар нүктесi модификацияланған ортадағы сызықтың бастапқы нүктесi болып табылады.
Тармақ 5. Солтүстiк ендiктiң 42 0 33 ' ,6 және шығыс бойлықтың 49 0 53 ' ,3
Тармақ 6. Модификацияланған ортадағы сызық кесiп өтетiн изогипстердi тұйықтайтын жаңа геологиялық құрылымдары (бұдан әрi - құрылым) табылған жағдайда, олардағы шаруашылық қызметтi Тараптардың шаруашылық субъектілерi Келiсiмнiң 2-бабына сәйкес жекелеген шаруашылық келiсiмдерiнiң негiзiнде жүзеге асыратын болады.