Бап 3 О ратификации Соглашения между Республикой Казахстан и Российской Федерацией о разграничении дна северной части Каспийского моря в целях осуществления суверенных прав на недропользование и Протокола к Соглашению между Республикой Казахстан и Российской Федерацией о разграничении дна северной части Каспийского моря в целях осуществления суверенных прав на недропользование

Тармақ 1. "Құрманғазы" ("Құлалы") құрылымында жер қойнауын пайдалану Қазақстан Республикасының заңнамасына сәйкес жүзеге асырылады.

Тармақ 2. "Құрманғазы" ("Құлалы") құрылымының ресурстарын бiрлесiп игеру үшiн Тараптардың әрқайсысы уәкiлеттi ұйымды белгiлейдi.

Тармақ 3. Ресейлiк уәкiлеттi ұйым "Құрманғазы" ("Құлалы") құрылымындағы жер қойнауын пайдалану жөнiндегi жобаға (бұдан әрi осы бапта - жоба) конкурстан тыс қатысуға құқылы.

Тармақ 4. Тараптардың уәкiлеттi ұйымдары жер қойнауын пайдаланудың шарттарын қоса алғанда, консорциум, шетел инвестициясы бар коммерциялық ұйым (бұдан әрi - кәсiпорын) немесе бiрлескен қызметтiң кез келген өзге нысанында - бiрлескен қызметтiң нысаны туралы келiсiмге қол қояды.

Тармақ 5. Қазақстандық Тараптың жобаға қатысу үлесi - 50 пайыз, Ресей Тарапының жобаға қатысу үлесi - 50 пайыз, бұл орайда мынадай шарттар ескерiледi:

• 1) а) кәсiпорындағы қазақстандық уәкiлеттi ұйымның қатысу үлесi - 50 пайыз;
• 2) б) кәсiпорындағы ресейлiк уәкiлеттi ұйымның қатысу үлесi - 25 пайыз; Ресейлiк Тарапқа бекiтiлген кәсiпорынға қатысу опционы (бұдан әрi - опцион) - 25 пайыз;
• 3) в) қазақстандық және ресейлiк уәкiлеттi ұйымдардың олардың қатысу үлесiне сәйкес келетiн құқықтары мен мiндеттемелерi болады, бұған қазақстандық және ресейлiк уәкiлеттi ұйымдардың құқықтары мен мiндеттемелерi бiрдей болатын, Ресейлiк Тарапқа бекiтiлген кәсiпорында опционды коммерциялық iске асыруға дейiнгiлер қосылмайды.

Тармақ 6. Қазақстан Республикасының Үкiметi кәсiпорынның жер қойнауын пайдалануға арналған құқығын ресiмдейдi. "Құрманғазы" ("Құлалы") құрылымы үшiн жер қойнауын пайдалануға арналған келiсiм-шарт ретiнде Өнiмдi бөлiсу туралы келiсiм қабылданады.

Тармақ 7. Кен орнын коммерциялық тұрғыда ашқаннан кейiн алты айдан кешiктiрмей кәсiпорын Ресейлiк Тарапқа бекiтiлген опционды сату туралы Ресейлiк Тарапқа ұсыныс жасайды. Ресейлiк Тарап Ресей Федерациясының Үкiметi белгiлеген тәртiпке сәйкес анықталған ресейлiк ұйымға опционды пайдалануға құқық бередi.