"Құрманғазы" ("Құлалы"), "Центральная" құрылымдарын және "Хвалынское" кен орнын бiрлесiп игерген жағдайда:
Тармақ 1. Осы Хаттамаға қол қойылғанға дейiнгi кезеңде белгiленген тәртiппен Тараптар берген немесе жасасқан лицензиялар мен келiсiм-шарттар бойынша лицензиялық учаскелердiң шекаралары осы Хаттамамен белгiленген Каспий теңiзi солтүстiк бөлiгiнiң түбiн межелеудiң модификацияланған ортадағы сызығына сәйкес келтiрiледi.
Тармақ 2. Осы Хаттамаға қол қойылған күннен бастап бiр ай iшiнде Тараптар қазақстандық және ресейлiк уәкiлеттi ұйымдарды белгiлейдi, олар өздерiне тиiстi өкiлеттiк берiлген күннен бастап бiр ай мерзiмде жер қойнауын пайдалану шарттарын қоса алғанда, бiрлескен қызметтiң нысандары туралы тиiстi шарттарды әзiрлеу туралы келiссөздерге кiрiседi.
Тармақ 3. Жер қойнауын пайдалануға егемендiк құқықтарын жүзеге асыратын мемлекеттiң заңнамасы негiзiнде, Тараптар тиiстi кәсiпорынмен өнiмдi бөлiсу туралы келiсiм жасаса алады.
Тармақ 4. Уәкiлеттi ұйымдардың кәсiпорындағы өзiнiң қатысу үлесiн (немесе оның бiр бөлiгiн) өз Тарапының Үкiметi келiскен жағдайда басқа да заңды тұлғаларға беру құқығы танылады.
Тармақ 5. Тиiстi уәкiлеттi ұйымдардың бiрлескен қызметi туралы келiсiмде көзделген қаржылық мiндеттемелерiн орындауды қамтамасыз етпейтiн уәкiлеттi ұйымдар аталған шарттың шарттарына сәйкес мiндеттемелерiн орындайтын уәкiлеттi ұйымдардың пайдасына өзiне тиісті қатысу үлесiнен айрылады.
Тармақ 6. Осы Хаттамаға қол қойылған күннен бастап он екi ай iшiнде уәкiлеттi ұйымдар өзара қолайлы шешiм таппаса, Тараптардың Үкiметтерi аталған жобаларға қатысуы үшiн басқа уәкiлеттi ұйымдарды белгiлейдi.