Бап 15 О санитарно-эпидемиологическом благополучии населения

Тармақ 1. Мемлекеттiк санитарлық-эпидемиологиялық нормалау:

• 1) нормативтiк құқықтық актiлердiң негiздемесi бойынша бiрыңғай талаптарды әзiрлеудi және олардың әзiрленуiн бақылауды;
• 2) нормативтiк құқықтық актiлердi әзiрлеудi (қайта әзiрлеудi), сараптауды, бекiту мен жариялауды;
• 3) нормативтiк құқықтық актiлердi зерделеудi, қолдану практикасын қорытындылауды, қолданылуын бақылауды;
• 4) халықтың санитарлық-эпидемиологиялық салауаттылығы саласындағы нормативтiк құқықтық актiлердiң бiрыңғай деректер банкiн түзу мен жүргiзудi;
• 5) санитарлық-эпидемиологиялық нормалаудың мемлекеттiк жүйесiнiң құжаттарын жалпыға бiрдей қабылданған халықаралық талаптарымен үйлесiмдi етудi қамтиды.

Тармақ 2. Санитарлық-эпидемиологиялық нормалаудың мемлекеттiк жүйесiнiң құжаттары санитарлық ережелер, гигиеналық нормативтер, нұсқаулықтар, әдiстемелiк ұсынымдар, әдiстемелiк нұсқамалар, әдiстемелер, бұйрықтар, регламенттер, ережелер мен стандарттар болып табылады. P080096 , P080217 , P080336 , P080337 , P080410 , P080411 , P080496 , P080514 , P080515 , P080541 , P080551

Тармақ 3. Санитарлық ережелер, гигиеналық нормативтер Қазақстан Республикасының аумағында жүрген барлық жеке және заңды тұлғалардың орындауы үшін міндетті.

Тармақ 4. Мемлекеттiк органдар халықтың санитарлық-эпидемиологиялық салауаттылығы мәселелерiне қатысты өздерiнiң нормативтiк құқықтық актiлерiн әзiрлеу мен бекiту кезiнде оларды халықтың санитарлық-эпидемиологиялық салауаттылығы саласындағы мемлекеттiк органмен келiсуге мiндеттi.

Тармақ 5. Нормативтiк-техникалық сипаттағы санитарлық ережелер, гигиеналық нормативтер мемлекеттiк тiркеуге жатпайды. Ескерту. 15-бапқа өзгерту енгізілді - Қазақстан Республикасының 2006.07.07. N 171 (қолданысқа енгізілу тәртібін 2-баптан қараңыз) Заңымен.