Бап 3 О присоединении РК к Конвенции о борьбе с незаконными актами, направленными против безопасности морского судоходства, и Протоколу о борьбе с незаконными актами, направленными против безопасности стационарных платформ, расположенных на континентальном шельфе

Тармақ 1. Әрбiр қатысушы мемлекет:

• 1) а) қылмыс мемлекетке қарсы немесе осы мемлекеттің құрылықтық қайраңында орналасқан стационарлық платформаның бортында жасалса; немесе
• 2) b) қылмысты осы мемлекеттің азаматы жасағанда, 2 , 2 bis және 2 ter баптарда көрсетiлген қылмыстарға қатысты өзінің юрисдикциясын белгілеу үшiн қажет болуы мүмкін шараларды қабылдайды.

Тармақ 2. Қатысушы мемлекет, сондай-ақ:

• 1) а) оны әдетте осы мемлекетте тұратын азаматтығы жоқ тұлға жасаса; немесе
• 2) b) оны жасау кезiнде осы мемлекеттің азаматы ұсталса, қауiп-қатерге ұшыраса, жарақат алса немесе өлтiрiлсе; немесе
• 3) с) ол осы мемлекеттi қандай да болмасын iс-қимылды жасауға немесе одан бас тартуға мәжбүр ету әрекетiнде жасалса, кез келген осындай қылмысқа қатысты өзiнің құқықтық иелiгiн орната алады.

Тармақ 3. 2-тармақта айтылған юрисдикцияны белгілеген кез келген қатысушы мемлекет бұл туралы Бас хатшыны хабардар етедi. Егер осындай қатысушы мемлекет осындай юрисдикциядан кейiннен бас тартса, ол бұл туралы Бас хатшыны хабардар етедi.

Тармақ 4. Әрбiр қатысушы мемлекет болжамды қылмыскер оның аумағында болғанда және ол оны 1 және 2-тармақтарға сәйкес өз юрисдикциясын белгілеген қатысушы мемлекеттердің қандай да біріне бермеген жағдайларда 2, 2 bis және 2 ter баптарда көрсетiлген қылмыстарға қатысты өз юрисдикциясын белгілеу үшiн қажет болуы мүмкін шараларды қабылдайды.

Тармақ 5. Осы Хаттама ұлттық заңнамаға сәйкес жүзеге асырылатын қылмыстық заңдық иеліктің ешқайсысын да жоққа шығармайды.