Бап 2-1 Об акционерных обществах. Акционерлік қоғамдардың қызметі саласындағы мемлекеттік реттеудің негізгі мақсаттары, міндеттері мен қағидаттары

Тармақ 1. Акционерлік қоғамдарды құрудың, олардың қызметінің, қайта ұйымдастырудың және таратудың құқықтық негіздерін белгілеу, акционерлердің құқықтары мен міндеттерін, сондай-ақ олардың құқықтары мен заңды мүдделерін қорғау жөніндегі шараларды белгілеу акционерлік қоғамдардың қызметі саласындағы мемлекеттік реттеудің негізгі мақсаттары болып табылады.

Тармақ 2. Акционерлік қоғамдардың қызметі саласындағы мемлекеттік реттеудің негізгі міндеттері мыналар болып табылады:

• 1) акционерлердің құқықтары мен заңды мүдделерін қорғаудың тиісті деңгейін қамтамасыз ету;
• 2) акционерлік қоғамдардың корпоративтік басқару қағидаттарын сақтауы.

Тармақ 3. Акционерлік қоғамдардың қызметі саласындағы мемлекеттік реттеудің негізгі қағидаттары мыналар болып табылады:

• 1) акционерлік қоғамдар қызметінің ашықтығы;
• 2) корпоративтік басқарудың орнықтылығы.