Бап 23 Об акционерных обществах

Тармақ 1. Егер қоғамның жарғысында осындай төлем көзделген жағдайда, қоғамның жай акциялары бойынша тоқсан, жартыжылдық немесе жыл қорытындылары бойынша дивидендтер төлеу тек қана қоғамның тиісті кезең үшін қаржылық есептілігіне аудит жүргізілгеннен кейін және акционерлердің жалпы жиналысының шешімімен жүзеге асырылады. Акционерлердің жалпы жиналысының жай акциялар бойынша дивидендтер төлеу туралы шешімінде бір жай акцияға төленетін дивиденд мөлшері көрсетіледі.

Тармақ 3. Қоғамның жай акциялары бойынша дивидендтер төлеу туралы шешімде мынадай мәліметтер:

• 1) қоғамның атауы, орналасқан жері, банк және өзге де реквизиттері;
• 2) дивидендтер төленетін кезең;
• 3) бір жай акцияға шаққандағы дивидендтің мөлшері;
• 4) дивидендтер төлеудің басталатын датасы;
• 5) дивидендтер төлеудің тәртібі мен нысаны;
• 6) төлем агентінің атауы (төлем агенті болған кезде) қамтылуға тиіс.

Тармақ 4. Дивидендтерді төлеу акционерлердің жалпы жиналысы қоғамның жай акциялары бойынша дивидендтер төлеу туралы шешім қабылдаған күннен кейінгі күннен бастап күнтізбелік тоқсан күннен кешіктірілмей жүзеге асырылуға тиіс.