Бап 37 Об акционерных обществах

Тармақ 1. Акционерлердің жылдық жалпы жиналысын директорлар кеңесі шақырады.

Тармақ 2. Акционерлердің кезектен тыс жалпы жиналысы:

• 1) директорлар кеңесінің;
• 2) ірі акционердің бастамасы бойынша шақырылады.
• 3) Ерікті түрде таратылу процесіндегі қоғам акционерлерінің кезектен тыс жалпы жиналысын қоғамның тарату комиссиясы шақыруы, әзірлеуі және өткізуі мүмкін.
• 4) Қазақстан Республикасының заң актілерінде акционерлердің кезектен тыс жалпы жиналысы міндетті түрде шақырылатын жағдайлар көзделуі мүмкін.

Тармақ 3. Акционерлердің жалпы жиналысын әзірлеу мен өткізуді:

• 1) атқарушы орган;
• 2) қоғаммен жасалған шартқа сәйкес орталық депозитарий;
• 3) директорлар кеңесі;
• 4) қоғамның тарату комиссиясы жүзеге асырады.

Тармақ 4. Осы Заңда белгіленген жағдайларды қоспағанда, акционерлердің жалпы жиналысын шақыру, әзірлеу және өткізу жөніндегі шығындарды қоғам көтереді.

Тармақ 5. Қоғамның органдары акционерлердің жылдық жалпы жиналысын шақырудың осы Заңда белгіленген тәртібін бұзған жағдайда, акционерлердің жылдық жалпы жиналысы кез келген мүдделі тұлғаның талап-арызы бойынша қабылданған сот шешімі негізінде шақырылуы және өткізілуі мүмкін.