Тармақ 1. Автокөлiк құралының салмағы мен көлемiне қатысты, әрбiр Уағдаласушы Тарап екiншi Уағдаласушы Тарап мемлекетiнiң аумағында тiркелген автокөлiк құралдары үшiн, өз мемлекетiнiң аумағында тiркелген автокөлiк құралдарына белгiленгенiнен анағұрлым қатаң шарттарды белгiлемеуге мiндеттенедi.
Тармақ 2. Автокөлiк құралының салмағы мен көлемдерi автокөлiк құралының ресми тiркелiмiне сәйкес болуы тиiс.
Тармақ 3. Егер Уағдаласушы Тараптардың бірінің мемлекетiнде тiркелген автокөлiк құралының салмағы және/немесе көлемдерi екiншi Уағдаласушы Тарап мемлекетiнiң аумағында қолданылатын салмақтың және/немесе көлемдердiң ең жоғарғы рұқсат етiлетiн параметрлерінен асып түсетiн жағдайларда арнайы рұқсаттар талап етiледi.
Тармақ 4. Автокөлiк құралының жүргiзушiсiнде, ол басқаратын көлiк құралының санатына сәйкес келетiн ұлттық немесе халықаралық жүргiзушi куәлiгi және 1968 жылғы 8 қарашада Венада жасалып Жол қозғалысы туралы Бiрiккен Ұлттар Ұйымының Еуропалық Экономикалық Комиссиясы Конвенциясының талаптарына жауап беретiн автокөлiк құралына арналған ұлттық тiркеу құжаттары болуы тиiс.