Тармақ 1. Осы Келiсiмнiң орындалуы мен қолданылуына байланысты барлық мәселелердi шешу мақсатында Уағдаласушы Тараптар, мемлекеттердiң құзыреттi органдарының өкiлдерiнен тұратын Бiрлескен Комиссия құрады.
Тармақ 2. Бiрлескен Комиссияның мәжiлiстерi Уағдаласушы Тараптардың бірінің мемлекетiнiң құзыреттi органдарының ұсынысы бойынша өткiзiледi.
Тармақ 3. Бiрлескен Комиссия қажет кезде басқа құзыреттi органдардың қатысуымен осы Келiсiмдi өзгерту немесе Уағдаласушы Тараптар мемлекеттерiнiң заңнамаларына енгiзiлген өзгерiстер мен толықтыруларға сәйкес келтiру жөнiндегi ұсыныстарды әзiрлейдi. Уағдаласушы Тараптар осы Келiсiмнiң ережелерiн түсiндіру мен қолдануға байланысты туындауы мүмкiн барлық дауларды Бiрлескен Комиссияның келіссөздерi мен консультациялары арқылы шешетiн болады.