Бап 73 О рынке ценных бумаг

Тармақ 1. Бағалы қағаздар нарығында кастодиандық қызметтi кастодиандық қызмет пен сейфтiк операцияларға лицензиялары бар банктер, кастодиандық қызметке арналған лицензиясы болған кезде орталық депозитарий және Қазақстан Республикасының Ұлттық Банкі жүзеге асыруға құқылы.

Тармақ 2. Кастодиан өзiнiң қызметiн Қазақстан Республикасының заңдарына және клиентпен жасалған кастодиандық қызмет көрсету жөнiндегi шартқа сәйкес жүзеге асырады.

Тармақ 3. Орталық депозитарий немесе Қазақстан Республикасының Ұлттық Банкі болып табылмайтын кастодиан:

• 1) зейнетақы активтеріне;
• 2) ашық және (немесе) аралық инвестициялық пай қорының активтеріне;
• 3) сақтанушының инвестицияларға қатысу талабы көзделетін сақтандыру шарттары бойынша, сақтанушылардан инвестициялау мақсаттары үшін алынған сақтандыру сыйлықақыларының бір бөлігі және оларды инвестициялаудан алынған кірістер (шеккен залалдар) есебінен қалыптастырылған активтерге қатысты инвестициялық портфельді үлестес басқарушымен кастодиандық қызмет көрсету шартын жасасуға құқылы емес.

Тармақ 4. Кастодианға кастодиандық қызмет көрсету жөнiндегi шартқа сәйкес клиент берген ақша мен қаржы құралдары кастодиандық қызмет объектiлерi болып табылады.

Тармақ 6. Кастодиан "Астана" халықаралық қаржы орталығына қатысушыларға кастодиандық қызмет көрсету бойынша қызметтер көрсетуге құқылы.