Бап 75 О рынке ценных бумаг

Тармақ 1. Кастодиан мен оның клиентi арасындағы қатынастар кастодиандық қызмет көрсету жөнiндегi шарт негiзiнде туындайды, оған Қазақстан Республикасының Азаматтық кодексiнде белгiленген сақтау және тапсырма шартының нормалары қолданылады.

Тармақ 2. Кастодиан кастодиандық қызмет көрсету жөнiндегi шартты жасасу кезiнде клиенттi өзiнiң iшкi құжаттарымен таныстыруға мiндеттi.

Тармақ 3. Кастодиандық қызмет көрсету жөнiндегi шартта:

• 1) клиентке кастодиандық қызмет көрсету жөнiнде қызметтер ұсыну тәртiбi;
• 2) кастодианның және оның клиентiнiң құқықтары мен мiндеттерi;
• 3) кастодианның қызметiне ақы төлеу тәртiбi;
• 4) кастодианның кастодиандық қызмет көрсетуге берiлген бағалы қағаздары бойынша кiрiс алуының талаптары мен тәртiбi және оны клиенттiң шотына есептеу;
• 5) кастодиандық қызмет көрсету жөнiндегi шартты бұзу тәртiбi;
• 6) тараптардың жауапкершiлiгi;
• 7) Қазақстан Республикасының заңдарына сәйкес өзге де талаптар болуға тиiс.