Бап 447-4 О внесении изменений и дополнений в Кодекс РК об административных правонарушениях
Шет мемлекеттің аумағында тіркелген, оның ішінде Қазақстан Республикасының аумағына уақытша әкелінген, шет мемлекеттің тасымалдаушыларына тиесілі автокөлік құралдарымен Қазақстан Республикасының аумағында орналасқан пункттер арасында жолаушыларды, багажды немесе жүктерді тасымалдау, - жеке тұлғаларға - айлық есептік көрсеткіштің оннан жиырмаға дейінгі мөлшерінде, заңды тұлғаларға жиырма бестен елуге дейінгі мөлшерінде айыппұл салуға әкеп соғады.";
4) 461-бап мынадай мазмұндағы 6-1-бөлікпен толықтырылсын: "6-1. Жолаушылар мен багажды автомобильмен тұрақты тасымалдауды жүзеге асыру кезінде рейс алдындағы техникалық тексеруден өтпеген автобусты, шағын автобусты басқару, - жеке кәсіпкерлерге - айлық есептік көрсеткіштің бестен онға дейінгі, лауазымды адамдарға оннан жиырма беске дейінгі мөлшерінде айыппұл салуға әкеп соғады.";
5) 463-бапта: екінші бөлік мынадай редакцияда жазылсын: "2. Қауіпті жүктерді мамандандырылған автокөлік құралдарымен белгіленген ережелерді бұза отырып, сол сияқты арнайы рұқсатсыз тасымалдау, - жеке тұлғаларға айлық есептік көрсеткіштің бестен онға дейінгі мөлшерінде, жеке кәсіпкерлер мен заңды тұлғаларға - жиырма бестен елуге дейінгі мөлшерінде айыппұл салуға әкеп соғады."; мынадай мазмұндағы үшінші бөлікпен толықтырылсын: "3. Ірі көлемді және (немесе) ауыр салмақты жүктерді автокөлік құралдарымен тасымалдау, сондай-ақ бөлінбейтін ірі көлемді және (немесе) ауыр салмақты жүктерді мамандандырылған автокөлік құралдарымен белгіленген ережелерді бұза отырып, сол сияқты арнайы рұқсатсыз тасымалдау, - жеке тұлғаларға айлық есептік көрсеткіштің бестен онға дейінгі мөлшерінде, жеке кәсіпкерлер мен заңды тұлғаларға - жиырма бестен елуге дейінгі мөлшерінде айыппұл салуға әкеп соғады.";
6) мынадай мазмұндағы 467-1-баппен толықтырылсын:
Тармақ 1. Жолаушылар мен багажды автомобильмен тұрақты тасымалдауды көрсетілген тасымалдау бағыттарына қызмет көрсету құқығын растайтын тиісті куәліксіз жүзеге асыру, - жеке тұлғаларға - айлық есептік көрсеткіштің үштен беске дейінгі мөлшерінде, заңды тұлғаларға жиырмадан жиырма беске дейінгі мөлшерінде айыппұл салуға әкеп соғады. 2. Осы баптың бірінші бөлігінде көзделген әкімшілік жаза қолданылғаннан кейін бір жыл ішінде қайталап жасалған нақ сол іс-әрекеттер, - жеке кәсіпкерлер мен заңды тұлғаларға айлық есептік көрсеткіштің жиырма бестен елуге дейінгі мөлшерінде айыппұл салуға әкеп соғады.";
7) 541-баптың бірінші бөлігінде: "446 (екінші бөлігінде)," деген сөздерден кейін "447 (екінші, үшінші бөліктерінде), 447-1, 447-2, 447-3, 447-4" деген сөздермен толықтырылсын; "461 (үшінші бөлігінде)" деген сөздер "461 (үшінші және 6-1 бөліктерінде)" деген сөздермен ауыстырылсын; "462 (үшінші бөлігінде)" деген сөздер "463 (екінші және үшінші бөліктерінде)" деген сөздермен толықтырылсын; "467 (бірінші - үшінші, бесінші бөліктерінде)" деген сөздерден кейін "467-1," деген цифрлармен толықтырылсын;
8) 547-баптың бірінші бөлігіндегі "447" деген цифр "447 (бірінші бөлігінде)" деген сөздермен ауыстырылсын;
9) 549-баптың бірінші бөлігіндегі "447, 463 (жолаушылар мен жүктерді тасымалдау ережелерінің бұзылуы бөлігінде)" деген сөздер алып тасталсын;
10) 620-баптың 6) тармақшасы мынадай редакцияда жазылсын: "6) көлік бақылау органдары сақталуын бақылауды жүзеге асыратын ережелер бұзылған жағдайда - осы органдар;";
11) 630-бапта: бірінші бөлігінде: "Кодекстің" деген сөзден кейін "447, 447-1, 447-2, 447-3, 447-4," деген цифрлармен толықтырылсын; "462," деген цифрдан кейін "463 (екінші және үшінші бөліктерінде)," деген сөздермен толықтырылсын; екінші бөлігінде "Шағын көлемді кемелер жөніндегі мемлекеттік инспекцияның" деген сөздер "көлік бақылау органдарының" деген сөздермен ауыстырылып, "кемені ұстауды" деген сөздерден кейін "өз өкілеттіктері шегінде" деген сөздермен толықтырылсын;
12) 636-бапта: бірінші бөліктің 1) тармақшасының он тоғызыншы абзацындағы "445," деген цифрдан кейін "447, 447-1, 447-2, 447-3, 447-4, 461 (6-1 бөлігі), 463 (екінші және үшінші бөліктері), 467-1," деген сөздермен толықтырылсын; екінші бөліктің екінші абзацында: "көлік бақылау инспекторының" деген сөздер "лауазымды адамдарының" деген сөздермен ауыстырылсын; "457-бап" деген сөздерден кейін ", 477-баптың төртінші бөлігі, 478, 479-баптар, 480-баптың үшінші және төртінші бөліктері, 481-бап (автомобиль көлігінде және электр көлігінде құқық бұзушылық жасағаны үшін)" деген сөздермен толықтырылсын.