Тармақ 1. Тараптар демаркацияланған мемлекеттiк шекара сызығында 559 шекаралық белгiлер орнатты, оның iшінде: 426 - негiзгi, 133 - аралық белгi. Жергiлiктi жерлердің нақты физикалық-географиялық ерекшелiктерiне сүйене отырып, бiр, екi, үш немесе төрт шекаралық бағаналардан тұратын шекаралық белгiлер орнатылды. Негiзгi шекаралық белгілер орнатылды. Негізгі шекаралық белгілер N 1-ден бастап N 426 бойынша жалпы бағытты солтүстiктен оңтүстiкке қарай нөмiрленген. Екi шекаралық бағаналардан тұратын шекаралық белгiлердің нөмiрлерi негiзгi шекаралық белгiнің реттiк нөмiрiмен және (1) немесе (2) цифрларымен белгiленген; үш шекаралық бағаналардан тұратын шекаралық белгiлердің нөмiрлерi негiзгi шекаралық белгiнің реттiк нөмiрiмен және (1), (2) немесе (3) цифрларымен белгiленген; төрт шекаралық бағаналардан тұратын шекаралық белгiлердің нөмiрлерi негiзгi шекаралық белгiнің реттiк нөмiрiмен және (1), (2), (3) немесе (4) цифрларымен белгіленген.
Тармақ 2. Әрқайсысы бiр шекаралық бағанадан тұратын 454 шекаралық белгi тұп-тура құрғақтағы мемлекеттiк шекараның сызығына орнатылған; әрқайсысы екi шекаралық бағанадан тұратын 82 шекаралық белгi (барлығы 164 шекаралық бағана) шекаралық өзендердің жағалауларында немесе құрғақтағы мемлекеттiк шекара сызығында орнатылған; әрқайсысы үш шекаралық бағанадан тұратын 22 шекаралық белгi (барлығы 66 шекаралық бағана) iшкi және шекаралық өзендердiң қосылатын жерлерiне орнатылған; сондай-ақ судағы және құрғақтағы мемлекеттiк шекара сызығы алмасатын жерлерге орнатылған; төрт шекаралық бағанадан тұратын бiр шекаралық белгi тас жолдағы мемлекеттік шекараның түзу сызығы бұрылатын жерге орнатылған. Тараптар 688 шекаралық бағаналар орнатты, оның iшiнде: 346 шекаралық бағаналарды қазақстандық Тарап, 342 - қытайлық Тарап орнатты.
Тармақ 3. Шекаралық бағаналар темiрбетоннан немесе граниттен жасалған. Қазақстан Тарапы шекаралық бағаналарды темiр бетоннан жасап орнатқан. Шекаралық белгiлердің түрi мен көлемінің сызбалары 1-қосымшада келтiрiлген.