N 368 шекаралық белгiден бастап мемлекеттiк шекара сызығы 3379 белгiсi бар Сарыноқай асуына дейiн атаусыз тау сiлемінің қырқасы бойынша жалпы оңтүстiк-оңтүстiк-батыс бағытта өтедi, сосын N 372 шекаралық белгiге дейiн Темiрлiктау жотасының қырқасы бойынша жалпы шығыс бағытта өтедi, содан соң N 373 шекаралық белгiге дейiн атаусыз тау сiлемiнің қырқасы бойынша жалпы оңтүстiк-оңтүстiк-батыс бағытта өтедi, содан соң 2350 белгiсi бар биiктiкке дейiн Қаратау жотасының қырқасы бойынша жалпы оңтүстiк бағытта өтедi, әрi қарай N 380(1) шекаралық бағанаға дейiн атаусыз тау сiлемiнiң баурайы бойынша жалпы батыс-солтүстiк-батыс бағытта өтедi, содан соң Хасан өзенiн кесiп өтiп, N 380(2) шекаралық бағанаға дейiн батыс-оңтүстiк-батыс бағытта түзу сызық бойынша өтедi. Осы учаскедегi мемлекеттiк шекара сызығының ұзақтығы 49.55 км құрайды.