Тармақ 1. Осы Хаттама күшiне енгеннен кейiн Тараптар 10 жылда бiр рет мемлекеттiк шекара сызығын бiрлесiп тексерудi жүргiзедi. Тараптардың келiсiмi бойынша тексерудiң мерзiмдерi өзгеруi мүмкiн. Тараптар сондай-ақ шекараның жекелеген учаскелерiн бiрлесiп тексерудi жүргiзуi мүмкiн.
Тармақ 2. Тараптар мемлекеттiк шекара сызығын тексеру жөнiндегi бiрлескен комиссияны құрады. Бiрлескен тексеру тәртiбiн және әдiстерiн, сондай-ақ басқа да мәселелердi аталған комиссия айқындайды.
Тармақ 3. Мемлекеттiк шекара сызығын әрбiр бiрлескен тексеру нәтижелерi бiрлескен тексеру туралы Хаттамамен және оған қоса тiркелетiн карталармен ресiмделедi, бұлар Тараптар бекiткеннен кейiн осы Хаттаманың қосымша құжатына айналады.