Тармақ 1. Тараптар шекаралық белгiлердi қорғау, олардың бүлінуін, орнының ауыстырылуын немесе қирауын болдырмау жөнiнде шаралар қабылдауы тиiс. Тараптар шекаралық белгiлердің және шекаралық алаңқайлардың жай-күйiн дербес түрде немесе бiрлесiп тексерудi жүзеге асыра алады.
Тармақ 2. Егер Тараптардың бiрi шекаралық бағананың бүлiнгендiгiн, орнынан жылжытылғандығын немесе жоғалғандығын анықтаса, ол бұл туралы екiншi Тарапқа кiдiрiссiз хабарлауға мiндеттi.
Тармақ 3. Шекаралық бағананы жөндеу немесе бұрынғы орнына қайта орнату мүмкiн болмайтын кездейсоқ жағдайлар туындаған кезде, Тараптардың уағдаластығы бойынша, ол басқа қолайлы орынға орнатылады, бұл ретте мемлекеттiк шекара сызығының өтуi өзгермейдi.
Тармақ 4. Қайтадан немесе басқа бiр қолайлы орынға орнатылған шекаралық белгi осы Хаттаманың ережелерiне сәйкес келiсiлген түрге және көлемге сәйкес болуы тиiс.
Тармақ 5. Тараптардың бiрде-бiрiнiң бiр жақты тәртiппен шекараны белгiлейтiн жаңа шекаралық немесе басқа да белгiлердi мемлекеттiк шекара сызығына орнатуға құқығы жоқ.