Шарттың XII бабы алынып тасталады және мыналармен ауыстырылады:
Тармақ 1. Бейбiт уақытта iшкi қауiпсiздiктi қамтамасыз ету қызметiн жүзеге асыру үшiн құрылған және құрылымдық ұйымдастырылған Қатысушы мемлекет ұйымдарында қолда бар жаяу әскерлердiң жауынгерлiк машиналары осы Шартпен шектелмейдi. 2. Жоғарыда баяндалғандардан тәуелсiз, осы Шартты жүзеге асыруға жәрдемдесу және Қатысушы мемлекеттiң осындай ұйымында қолда бар сондай қару-жарақтың саны осы Шарттың ережелерiн айналып өтуге пайдаланылмау кепiлдiгiн қамтамасыз ету мақсатында қайсысы көп болуына байланысты осы тармақтың (А), (В) немесе (С) тармақшаларында белгiленген деңгейден аспайтын кез келген сондай қару-жарақ Ұлттық шектi деңгейлер туралы хаттаманың IV және V баптары мен Аумақтық шектi деңгейлер туралы хаттаманың IV және V баптарына сәйкес көзделген жауынгерлiк броньды машиналардың санаттары үшін рұқсат етілген деңгейдiң үлесiн құрайды: (А) 1990 жылғы 19 қарашада жай-күйi бойынша ақпарат алмасу шеңберiнде берiлген хабарламаға сәйкес қолданыс ауданы шегiндегi қолда бар, сол Қатысушы мемлекеттің аумағында тұрған, бейбiт уақытта iшкi қауіпсiздiктi қамтамасыз ету қызметiн жүзеге асыру үшiн құрылған және құрылымдық ұйымдастырылған ұйымның жаяу әскерлерінің жауынгерлiк броньды машиналарының саны; немесе (В) IV бапқа сәйкес өзгерiстермен жауынгерлiк броньды машиналар санатындағы Ұлттық шектi деңгейлер туралы хаттамада осы Қатысушы мемлекет үшiн белгiленген ұлттық шектi деңгейден бес процент; немесе (С) жаяу әскерлердiң сондай 100 жауынгерлiк машинасы. Қосылатын мемлекеттерге қатысты сандар қосылу туралы келiсiмде көрсетiледi. 3. Әр Қатысушы мемлекет, сондай-ақ бейбiт уақытта iшкi қауiпсiздiктi қамтамасыз ету қызметiн жүзеге асыру үшiн құрылған және құрылымдық ұйымдастырылған ұйымдар iшкi қауiпсiздiк қажеттiлiгiн қамтамасыз ету үшiн қажеттi жауынгерлiк қабылеттіліктi жасаудан бас тартуды қамтамасыз етедi. 4. Сол Қатысушы мемлекеттiң кез келген ұйымындағы, оның кәдiмгi қарулы күштерінің бөлiгi болып табылмайтын, оның кәдiмгi қарулы күштерi қаруланған жауынгерлiк танктерiн, артиллериясын, жаяу әскерлерiнiң жауынгерлiк машиналарын, жауынгерлiк ұшақтары мен соққы берушi тiкұшақтарын қайта бағындыруға тiлек бiлдiрген Қатысушы мемлекет, сондай қайта бағындыру күшiне енген күннен кешiктiрмей барлық басқа Қатысушы мемлекеттерге хабарлайды. Мұндай хабарламада сондай қайта бағындырудың айқын болған күнi, сондай техникалардың нақтылы берiлген күнi, сондай-ақ Шартпен шектелетiн қайта бағындырылған әдеттегi қару-жарақ пен техника түрлерi бойынша саны көрсетiледi".