Шарттың XIII бабының 1-тармағы алынып тасталады және мыналармен ауыстырылады: "1. Осы Шарт ережелерiнің сақталуын бақылауды қамтамасыз ету мақсатында әрбiр Қатысушы мемлекет өзiнің кәдiмгi қару-жарағы мен техникасына және Ақпарат алмасу туралы хаттамаға сәйкес ол өз аумағында болуға рұқсат ететiн басқа Қатысушы мемлекеттердiң кәдiмгi қару-жарағына қатысты хабарлама ұсынады және ақпараттармен алмасады". 2. Шарттың XIII бабына мынадай мазмұндағы 1-бис тармағы қосылады: "1-бис. V баптың 1-тармағында белгiленгенiндей, Қатысушы мемлекеттің кәдiмгi қару-жарағы мен техникасының басқа Қатысушы мемлекеттің аумағында болуы, V баптың 3-тармағында белгiленгенiндей, транзит мақсаттары үшiн, VII баптың 1-тармағындағы (А) тармақшасында белгiленгенiндей, әскери оқу-жаттығулар мақсаттары үшiн және VII баптың 1-тармағындағы (В) тармақшасында белгiленгенiндей уақытша өрiстету мақсаттары үшiн 1-баптың 3-тармағы сәйкес келедi. Қабылдайтын Қатысушы мемлекеттің келiсiмi Ақпараттар алмасу туралы хаттамаға сәйкес тиiстi хабарлама арқылы көрсетiледi".