Шарттың VII бабы алынып тасталады және мыналармен ауыстырылады:
Тармақ 1. Әрбiр Қатысушы мемлекет осы баптың ережелерiн сақтай отырып, Аумақтық шектi деңгейлер туралы хаттамада белгiленген, аумақтық шектi деңгейi мен аумақтық шектi кiшi деңгейiн уақытша негiзде әскери оқу-жаттығу және уақытша өрiстету мақсатында арттыруға құқылы. (А) Әскери оқу-жаттығулар: (1) Әрбiр Қатысушы мемлекеттің, оның аумақтық шектi деңгейiн арттыруға мәжбүр ететiн, әскери оқу-жаттығуды өз аумағында қабылдауға және аумақтық шектi кiшi деңгейi бар Қатысушы мемлекеттер Аумақтық шектi деңгейлер туралы хаттамаға сәйкес, олардың аумақтық шектi кiшi деңгейiн арттыруға мәжбүр ететiн оқу-жаттығуларды өткiзуге немесе қабылдауға құқылы. (2) Әскери оқу-жаттығулардың мақсаты үшiн Қатысушы мемлекеттің аумағында оның аумақтық шектi деңгейiнен және аумақтық шектi кiшi деңгейінен тыс тұрған жауынгерлiк танктер, жауынгерлік броньды машиналар және артиллерия бiрлiктерінің саны - жеке алғанда немесе осы аумақтағы кез келген әскери оқу-жаттығуды немесе кез келген уақытша өрiстетудi қатар алғанда, әрбiр Қатысушы мемлекет үшiн осы тармақтың (В) тармақшасындағы (1) тармақшасында және Аумақтық шектi деңгейлер туралы хаттамада көрсетiлген жауынгерлiк танктердiң, жауынгерлiк броньды машиналардың және артиллерия бiрлiктерiнiң санынан аспайды. (3) 42 күннен астам мерзiм iшiнде аумақтық шектi деңгейдi немесе аумақтық шектi кiшi деңгейдi арттыруға мәжбүр ететiн, Ақпарат алмасу туралы хаттамаға сәйкес хабарламада ұсынылған әскери оқу-жаттығулар немесе бiрқатар тiзбектi әскери оқу-жаттығулар осы мерзiмнен кейiн, аумақтық шектi деңгейiнің немесе аумақтық шектi кiшi деңгейiнiң артып кетуi жалғасатын уақытқа дейiн уақытша өрiстету ретiнде қарастырылады. (В) Уақытша өрiстетулер: (1) Әрбiр Қатысушы мемлекет өзiнiң аумақтық шектi деңгейiнен тыс уақытша өрiстетудi өз аумағында қабылдауға және аумақтық шектi кiшi деңгейi бар Қатысушы мемлекеттер өздерiнiң аумақтық шектi кiшi деңгейiнен тыс уақытша өрiстетудi өткiзуге немесе қабылдауға құқылы. Осы мақсат үшiн егер Аумақтық шектi деңгейлер туралы хаттаманың тиiстi ережелерiнде өзгеше көзделмесе, аумақтық шектi деңгейлердi немесе аумақтық шектi кiшi деңгейлердi уақытша негiзде 153 жауынгерлiк танктен, 241 жауынгерлiк броньды машинадан және 140 артиллерия бiрлiгiнен аспайтындай етiп арттыруға болады. Ерекше жағдайда және Аумақтық шектi деңгейлер туралы хаттаманың тиiстi ережелерiнде өзгеше көзделмесе, аумақтық шектi деңгейдi уақытша негiзде 459 жауынгерлiк танктен, 723 жауынгерлiк броньды машинадан және 420 артиллерия бiрлiгiнен аспайтындай етіп арттыруға болады. (2) Аумақтық шектi деңгейдi 153 жауынгерлiк танктен, 241 жауынгерлiк броньды машинадан және 140 артиллерия бiрлiгiнен асырып арттыруға байланысты уақытша өрiстету туралы хабарламаны алысымен депозитарий XXI баптың 1-бис тармағына сәйкес Қатысушы мемлекеттердiң конференциясын шақырады. 2. Аумақтық шектi деңгейiн 153 жауынгерлiк танктен, 241 жауынгерлiк броньды машинадан немесе 140 артиллерия бiрлiгiнен асырып арттыруға әкеп соқтыратын әскери оқу-жаттығулар уақытша өрiстетудiң жиынтығымен сол Қатысушы мемлекеттің аумағында бiр уақытта өткiзiлетiн жағдайда, кез келген Қатысушы мемлекет XXI баптың 1-бис тармағына сәйкес Қатысушы мемлекеттердiң конференциясын шақыру туралы тiлекпен депозитарийге өтiнiш жасауға құқылы. Осы баптың 1-тармағының (А) және (В) тармақшаларына сәйкес өткiзiлетiн оқу-жаттығулар мен уақытша өрiстеуге қатысты оған тартылған Қатысушы мемлекеттер Бiрлескен консультациялық топқа түсiнiктеме баяндама бередi. Уақытша өрiстетiлген жағдайда баяндама қысқа мерзiмде және Ақпараттар алмасу туралы хаттаманың ХVIII бөлiмiнің 4-тармағының (А) тармақшасының (2) кiшi тармақшасында және (В) тармақшасының (2) кiшi тармақшасында көрсетiлген хабарламадан ешбiр жағдайда кешiктiрместен ұсынылады. Кейiнiрек баяндама бойынша жаңартылған ақпараттар аумақтық шектi деңгейдiң немесе аумақтық шектi кiшi деңгейдiң көтерiлуi жалғасатын уақытқа дейiн әрбiр екi айда берiлiп тұрады.