Өткiзу пункттерiнiң тиiстi қызметiн қамтамасыз ету үшiн Тараптардың әрқайсысы өз мемлекетiнiң аумағында қажеттi инфрақұрылымды жасайды. Автомобильдiк және темiржол өткiзу пункттерi объектiлерiн жобалауда, сондай-ақ құрылысын салу барысында Тараптар мемлекеттерiнiң аумақтарында бiрлескен бақылауды жүргiзу үшiн жағдай туғызу мүмкіндiгi көзделеді. Бiрлескен бақылау жасаудың тәртiбi және оны ұйымдастыру Тараптардың тиісті ведомстволары арасындағы жекелеген уағдаластықтармен реттелетiн болады.