Тармақ 1. Тасымалдаушы - Қазақстан Республикасында немесе Швейцарияда тiркелген, тиiстi елдердiң заңнамасына сәйкес жолаушылар мен жүктердiң тасымалын жүзеге асыру құқығы берiлген жеке немесе заңды тұлға. 2. Көлiк құралы - механикалық жетектi автокөлiк құралын, сондай-ақ тiркемесi немесе жартылай тiркемесi бар: а) жүргiзушiнi қосқанда тоғыздан астам отыратын орын мөлшерiнде жолаушыларды; б) жүктердi тасымалдау үшiн құралған автокөлiк құралы. 3. Рұқсат - екi Уағдаласушы Тарап мемлекеттерiнiң заңнамасы талап ететiн, бiр Уағдаласушы Тарап мемлекетiнiң құзыреттi органы берген және екiншi Уағдаласушы Тарап мемлекетiнде тiркелген автокөлiк құралына рұқсат берген Уағдаласушы Тарап мемлекетiнiң аумағы бойынша немесе арқылы жүруге құқық/мүмкiндiк беретiн құжат.