Тармақ 1. Осы Келiсiм бойынша талап етiлетiн рұқсаттар, сондай-ақ басқа тасымалдау құжаттары осы Келiсiмде көзделген барлық тасымалдар кезiнде автокөлiк құралында болуы тиiс және Тараптар мемлекеттерiнiң құзыреттi органдарының өкілдерiне талап бойынша тексеру үшiн ұсынылуы тиiс. 2. Тасымалдау құжаттарын сапар басталар алдында толығымен толтыру керек. 3. Жүкпен немесе жүксiз келе жатқан автокөлiк құралының көлемдiк немесе салмақтық параметрлерi екiншi Тарап мемлекетiнiң аумағында белгiленген нормалардан артық болған жағдайда, тасымалдаушы екiншi Тарап мемлекетiнiң құзыреттi органдарының арнайы рұқсатын алуы тиiс. 4. Тасымалдаушылар мен олардың автокөлiк құралдарының экипажы осы Келiсiмнiң мақсаты үшiн, Тараптар мемлекеттерiнiң әрқайсының аумағындағы жол қозғалысы мен тасымалдарды реттейтiн ережелер мен қағидаларды сақтауы тиiс. 5. Тасымалдаушылар мен олардың автокөлiк құралдарының экипажы осы Баптың 4-тармағында ескерiлген ережелер мен қағидаларды бұзған жағдайда, олар аумағында бұзушылық жасалған Тарап мемлекетiнiң заңнамасына сәйкес жауапты болады.