Тармақ 1. Құқық бұзушылық жасалған Тарап мемлекетiнiң ресми жарияланған жазалау шараларына қарамай, екiншi Тарап мемлекетiнің аумағында осы Келiсiмнiң ережелерi бұзылған жағдайда, аумағында автокөлiк құралы тiркелген Тарап мемлекетiнiң құзыреттi органдары, екiншi Тарап мемлекетiнiң құзыреттi органдарынан хабар алысымен мына шаралардың бiрiн қабылдау туралы шешiм қабылдайды: 1) жүрген мемлекетiнiң заңнама талаптарын сақтау қажеттілiгi туралы тасымалдаушыға ескерту; 2) бұзушылық қайталанған жағдайда, төменде келтiрiлген, 3) немесе 4) тармақтарда көзделген шаралардың қолданылатынын ескерту; 3) бұзушылық жасалған мемлекетте жолаушылардың немесе жүктердiң тасымалын жүзеге асыруға арналған рұқсатты уақытша тоқтата тұру; 4) бұзушылық жасалған мемлекетте жолаушылардың немесе жүктердiң тасымалын жүзеге асыруға арналған рұқсатты алып қою. 2. Екi Тарап мемлекеттерiнiң құзыреттi органдары бiр-бiрiн қабылданған шаралары туралы хабардар етедi.