Осы Келiсiмнiң мақсаты үшiн тұрақты емес тасымалдар: 1) ("жабық есiк сипатындағы" сапар), яғни автокөлiк құралы тiркелген Тарап мемлекетiнiң аумағында басталатын және аяқталатын, бүкiл сапар уақытында бiр жолаушыларды тасымалдау үшiн бiр ғана автокөлiк құралы пайдаланылатын тасымал; 2) өзi тiркелген Тарап мемлекетiнiң аумағына бос қайтатын автокөлiк құралымен екiншi Тарап мемлекетiнiң аумағына жолаушыларды тасымалдау; 3) тасымалдаушы мен тапсырыс берушiнiң арасында алдын ала қол жеткiзiлген шарттың негiзiнде автокөлiк құралы тiркелген Тарап мемлекетiнiң аумағына тасымалдау үшiн жолаушылар тобын жинау мақсатында, екiншi Тарап мемлекетiнiң аумағына жолаушыларсыз сапар шегу болып табылады.