"Этил спиртi мен алкоголь өнiмiнiң өндiрiлуiн және айналымын мемлекеттiк реттеу туралы" 1999 жылғы 16 шiлдедегi Қазақстан Республикасының Заңына (Қазақстан Республикасы Парламентiнiң Жаршысы, 1999 ж., N 20, 720-құжат; 2004 ж., N 5, 27-құжат):
- 1) 4-бапта: 2-тармақ мынадай редакцияда жазылсын: "2. Уәкiлеттi орган өз құзыретi шегiнде және өзiне жүктелген мiндеттердi орындау мақсатында: 1) Қазақстан Республикасының Үкiметi белгiлеген тәртiппен тиiстi мемлекеттiк органдардың мамандарын, Қазақстан Республикасының және басқа да мемлекеттердiң жеке және заңды тұлғаларының арасынан консультанттар мен сарапшыларды тартады; 2) дәм айыру комиссиясы туралы ереженi бекiтедi; 3) техникалық реттеу саласындағы уәкiлеттi органның келiсiмi бойынша өндiрiстiң паспортын бекiту үшiн қажеттi мәлiметтер тiзбесiн белгiлейдi; 4) этиль спиртi мен алкоголь өнiмi өндiрiсiнiң және айналымының декларациясын ұсыну тәртiбiн айқындайды; 5) осы Заңның 5-бабына сәйкес алкоголь өнiмiн белгiлi бiр түрге жатқызады.";
- 2) 3-тармақ алып тасталсын;
- 2) 6-баптың 4-тармағы, 7-баптың 3-тармағы және 13-баптың 2-тармағы алып тасталсын;
- 3) 18-бапта: 2-тармақ алып тасталсын;
- 5) мынадай мазмұндағы 3-тармақпен толықтырылсын: "3. Алкоголь өнiмiн (сырадан басқа) сақтауға және көтерме саудада өткiзуге және алкоголь өнiмiн (сырадан басқа) бөлшек саудада өткiзуге лицензиялар алу үшiн тексеруге төленетiн ақының мөлшерi Қазақстан Республикасының монополияға қарсы заңдарына сәйкес айқындалады.".