"Азаматтық авиацияны мемлекеттiк реттеу туралы" 2001 жылғы 15 желтоқсандағы Қазақстан Республикасының Заңына (Қазақстан Республикасы Парламентiнiң Жаршысы, 2001 ж., N 23, 320-құжат):
- 1) 1-баптың 17) тармақшасында "өз құзыретi шегiнде" деген сөздер алып тасталсын;
- 2) 4-бапта: 6) және 7) тармақшалар алып тасталсын;
- 3) мынадай мазмұндағы 7-1) тармақшамен толықтырылсын: "7-1) азаматтық авиация ұйымдары ұсынатын сертификатталынатын жұмыс және қызмет көрсетулер түрлерiнiң тiзбесiн бекiту;";
- 15) тармақша алып тасталсын;
- 5) мынадай мазмұндағы 15-1) тармақшамен толықтырылсын: "15-1) Қазақстан Республикасының аумағында жұмыс iстейтiн азаматтық авиация саласындағы қызметтi жүзеге асыратын шетел авиакомпаниялары мен ұйымдарын, олардың филиалдары мен өкiлдiктерiн аккредиттеу тәртiбi мен шарттарын айқындау;";
- 16) тармақша алып тасталсын;
- 3) 5-баптың 1-тармағында: 26) тармақшадағы "авиациялық қауiпсiздiк" деген сөздер "авиациялық персонал" деген сөздермен ауыстырылсын;
- 8) мынадай мазмұндағы 26-1) - 26-10) тармақшалармен толықтырылсын: "26-1) азаматтық авиация саласындағы сертификаттық талаптарды бекiту; 26-2) Қазақстан Республикасы азаматтық авиациясының жердегi радиосәулелендiру құралдарын мемлекеттiк тiркеу ережелерiн бекiту және олардың жарамдылық куәлiктерiн беру; 26-3) азаматтық авиация саласындағы еңбек қауiпсiздiгiн және өндiрiс санитариясын қамтамасыз ету тәртiбiн айқындайтын, сондай-ақ ұшуларға аэронавигациялық қызмет ету жөнiнде нормативтiк құқықтық актiлер қабылдау; 26-4) өз құзыретi шегiнде әуежай қызметiн реттейтiн нормативтiк құқықтық актiлер қабылдау; 26-5) азаматтық авиация саласында авариялық-құтқару жұмыстарын жүргiзу жөнiнде нормативтiк құқықтық актiлер қабылдау; 26-6) әуе кемелерiн есептен шығару ережелерiн қабылдау; 26-7) сертификаттық талаптардан рұқсат етiлген уақытша ауытқуларды бекiту; 26-8) ұшулардың қауiпсiздiгі мен авиация қауiпсiздiгi мәселелерi бойынша нормативтiк құқықтық актiлер қабылдау; 26-9) ұшуларды радиотехникалық қамтамасыз ету және авиациялық электр байланысы саласында нормативтiк құқықтық актiлер қабылдау; 26-10) азаматтық авиация саласында инспекциялық қарауды және инспекциялық тексерудi жүзеге асыратын уәкiлеттi органның лауазымды тұлғаларына, авиациялық персоналдың қолданылып жүрген куәлiктерi бар, ұшуларды техникалық жағынан қамтамасыз ететiн экипаж мүшелерiне, бортсерiктерге, инженерлiк техникалық құрамға және ұлттық қауiпсiздiк органдарымен келiсiлгеннен кейiн әуе кемесiнiң ұшу кезiндегi қауiпсiздiгiн қамтамасыз ететiн персоналға халықаралық үлгiдегi сәйкестендiру карточкаларын беру;";
- 27) тармақша алып тасталсын;
- 29) тармақша мынадай редакцияда жазылсын: "29) Қазақстан Республикасының аумағында әрекет ететiн шетел авиакомпанияларын, олардың филиалдары мен өкiлдiктерiн аккредиттеу.";
- 4) 6-баптың 3-тармағы мынадай мазмұндағы екiншi - төртiншi бөлiктермен толықтырылсын: "Қазақстан Республикасының аумағында жұмыс iстейтiн шетел авиакомпаниялары, азаматтық авиация саласындағы қызметтi жүзеге асыратын шетел ұйымдары, олардың филиалдары мен өкiлдiктерi Қазақстан Республикасының Үкiметi белгiлеген тәртiппен аккредиттелуге жатады. Уәкiлеттi орган Қазақстан Республикасының аумағында жұмыс iстейтiн шетел авиакомпанияларын, олардың филиалдары мен өкiлдiктерiн аккредиттеуден: 1) Қазақстан Республикасының шет мемлекетпен жасасқан келiсiмдерiнiң қолданылуы тоқтатылған жағдайда немесе осындай келiсiмдердiң Қазақстан Республикасының аумағында жұмыс істейтiн шетел авиакомпанияларын, олардың филиалдары мен өкiлдiктерiн ашуға қатысты шарттарымен айқындалған өзге де негiздi; 2) Қазақстан Республикасының аумағында жұмыс iстейтiн шетелдiк авиакомпанияларды, олардың филиалдары мен өкiлдiктерiн аккредиттеудiң тәртiбi мен талаптары сақталмаған жағдайларда бас тартады. Шетел авиакомпанияларын аккредиттеу мерзiмi аккредиттеу үшiн қажеттi барлық құжаттар ұсынылған күннен бастан отыз күннен аспайды.";
- 5) 8-баптың бiрiншi бөлiгiндегi "куәлiгi" деген сөз "сертификаты" деген сөзбен ауыстырылсын.