О внесении изменений и дополнений в некоторые законодательные акты Республики Казахстан по вопросам противодействия экстремизму
Бап 289 — тың бiрiншi бөлiгiнiң 10) тармақшасындағы "туралы істер жатады." деген сөздер "туралы;" деген сөзбен ауыстырылып, мынадай мазмұндағы 11) тармақшамен толықтырылсын: "11) Қазақстан Республикасының және (немесе) басқа мемлекеттiң аумағында экстремизмдi жүзеге асыратын шетелдiк немесе халықаралық ұйымды экстремистік ұйым деп тану туралы iстер жатады.";
Бап 5 — тың екiншi бөлiгi мынадай редакцияда жазылсын: "Экстремистiк мақсаттарды көздейтiн қоғамдық бiрлестiктердi құруға және олардың қызметiне, сондай-ақ Қазақстан Республикасының заңнамасында көзделмеген әскерилендiрілген құралымдарды құруға тыйым салынады.";
Бап 23 — тың үшiншi бөлiгiнiң екiншi сөйлемi мынадай редакцияда жазылсын: "Қоғамдық бiрлестiк Қазақстан Республикасы заңнамасының бұзылуын жоймаған жағдайда, не оларды қайталап бұзған жағдайда прокуратура, ішкi iстер органдары, сондай-ақ азаматтар сотқа оны тарату туралы арызбен жүгiнуге құқылы."
Бап 13 — тың 1-тармағының 3) тармақшасы мынадай редакцияда жазылсын: "3) саяси партия басшыларының экстремизмдi жүзеге асыруға бағытталған жария шақыруы мен сөйлеген сөздерi орын алған жағдайларда тоқтатыла тұруы мүмкін."
Бап 12 — тың 3-тармағының 10) тармақшасындағы "тексерулерді арнайы есепке алуды жүргiзудi жүзеге асырады." деген сөздер "тексерулердi;" деген сөзбен ауыстырылып, мынадай мазмұндағы 11) тармақшамен толықтырылсын: "11) экстремизмдi жүзеге асырғаны үшін жауапқа тартылған адамдарды және сот экстремистік ұйым деп таныған ұйымдарды арнайы есепке алу iсiн жүргiзудi жүзеге асырады."