Бап 15 О ратификации Международного пакта об экономических, социальных и культурных правах

Тармақ 1. Осы Пактiге қатысушы мемлекеттер әрбiр адамның:

• 1) а) мәдени өмiрге қатысу;
• 2) b) ғылыми прогресс пен оларды iс жүзiнде қолдану нәтижелерiн пайдалану;
• 3) с) өзi авторы болып табылатын кез-келген ғылыми жұмыстарға, әдеби немесе көркем туындыларға байланысты туындаған моральдық және материалдық мүдделерiн қорғауды пайдалану құқығын таниды.

Тармақ 2. Осы құқықты толық жүзеге асыру үшiн осы Пактiге қатысушы мемлекеттер қабылдауға тиiс шараларға ғылым мен мәдениет жетiстiктерiн қорғау, дамыту және тарату үшiн қажеттi шаралар да кiредi.

Тармақ 3. Осы Пактiге қатысушы мемлекеттер ғылыми-зерттеу жұмыстары мен шығармашылық қызмет үшiн сөзсiз қажет бостандықты құрметтеуге мiндеттенедi.

Тармақ 4. Осы Пактiге қатысушы мемлекеттер ғылым мен мәдениет салаларындағы халықаралық байланыстар мен ынтымақтастықты көтермелеуден және дамытудан келетiн пайданы таниды.