Лауазымды тұлғалар мүше мемлекеттердiң аумақтарында: 1) - Ұйымға немесе лауазымды тұлғаға тиесілі не ол басқарған көлiк құралдарынан туындаған жол-көлік оқиғасына байланысты зиянның орнын толтыру туралы талап арызды; - лауазымды тұлға тарапынан жасалған iс-әрекеттен туындаған кiсi өліміне немесе дене жарақатына байланысы зиянның орнын толтыру туралы талап арызды есептемегенде: лауазымды тұлғалар ретінде айтқаны немесе жазғаны және барлық жасаған iс әрекеттерi үшiн қылмыстық, азаматтық және әкімшілiк жауапкершілiкке тартылмайды; 2) жалақысына және Ұйым төлейтiн өзге де сыйақыларына байланысты салықтардан босатылады; 3) мемлекеттік мiндеттілiктен босатылады; 4) отбасы мүшелерімен бiрге шетелдiктер ретiнде иммиграция жөнiндегi шектеулерден және тіркеулерден босатылады; 5) валюталық операциялар саласында мүше мемлекеттер аумақтарында дипломатиялық агенттерге берiлетiнiндей тап сондай артықшылықтарды пайдаланады; 6) отбасы мүшелерiмен бiрге халықаралық дағдарыстар кезiнде репатриацияға қатысты дипломатиялық агенттер пайдаланатынындай тап сондай жеңiлдiктердi пайдаланады; 7) қызметке бастапқы тағайындалған кезiнде және өкілдік орналасқан мемлекеттен келiсiм-шарттың тоқтатылуына байланысты кеткен кезiнде, қызмет көрсетудің (көрсетiлген қызметтің) нақты түрлерiне төлем болып табылатындарды есептемегенде, өкiлдiк орналасқан мемлекеттiң нормативтiк-құқықтық актiлерiне сәйкес кедендiк баждарды, салықтарды және алымдарды төлеместен жеке тұтынуына арналған автокөлiк құралын қоса алғанда, мүлiктi әкелуге/әкетуге құқылы.