Тармақ 1. Лауазымды тұлғалар және олардың отбасы мүшелерi тағайындалған орнына жол жүру кезiнде өкiлдiк орналасқан мемлекеттің аумағына келген кезден бастап, егер олар бұрын осы аумақта жүрген болса, лауазымды тұлғалар өзiнің мiндеттерін орындауға кiрiскен кезден бастап осы Конвенцияда көзделген артықшылықтар мен иммунитеттердi пайдаланады. 2. Лауазымды тұлға функциясын тоқтатқан кезде оның артықшылықтары мен иммунитеттерi, сондай-ақ өкiлдiк орналасқан мемлекеттің азаматтары болып табылмайтын оның отбасы мүшелерiнiң артықшылықтары мен иммунитеттерi осы тұлға өкiлдiк орналасқан мемлекеттен кеткен кезден бастап немесе мұны iстеу үшiн орынды мерзiм өтiсiмен тоқтатылады. Отбасы мүшелерінiң артықшылықтары мен иммунитеттерi олар осындай сипатта болуын тоқтатқан уақытта тоқтатылады, алайда егер мұндай адамдар орынды мерзiм ішінде өкiлдiк орналасқан мемлекеттен кетуге ниет бiлдiрсе, онда олардың артықшылықтары мен иммунитеттерi олар кеткен кезге дейін сақталады. 3. Лауазымды тұлға қайтыс болған жағдайда, оның отбасы мүшелерi оларға берiлген артықшылықтар мен иммунитеттердi олар өкiлдiк орналасқан мемлекеттен кеткен кезге дейiн немесе өкілдiк орналасқан мемлекеттен кете алатындай орынды мерзім өткенге дейiн пайдалануын жалғастырады.