Тармақ 1. 14 (Тәуелсіз жеке қызметтер) және 15 (Тәуелді жеке қызметтер) баптардың ережелеріне қарамастан, Уағдаласушы Мемлекеттің резиденті театр, кино, радио немесе теледидар әртісі ретінде немесе сазгер, немесе спортшы ретінде басқа Уағдаласушы Мемлекетте жүзеге асыратын жеке қызметінен алған табысына осы басқа Мемлекетте салық салынуы мүмкін. 2. Егер өнер қызметкерінің немесе спортшының өзінің осы сипатында жүзеге асыратын жеке қызметінен алынатын табысы өнер қызметкерінің немесе спортшының өзіне емес, басқа тұлғаға есептелсе, бұл табысқа, осы Конвенцияның 7 (Кәсіпкерлік қызметтен алынатын пайда), 14 (Тәуелсіз жеке қызметтер) және 15 (Тәуелді жеке қызметтер) баптарының ережелеріне қарамастан, өнер қызметкерінің немесе спортшының қызметі жүзеге асырылған Уағдаласушы Мемлекетте салық салынуы мүмкін. 3. Егер осы Мемлекетке сапарды едәуір дәрежеде басқа Уағдаласушы Мемлекеттің қоғамдық қорлары немесе оның аймақтық немесе жергілікті өкімет органдарда қаржыландыратын болса, өнер қызметкерінің немесе спортшының Уағдаласушы Мемлекетте жүзеге асыратын қызметінен алынған табысқа 1 және 2-тармақтардың ережелері қолданылмайды. Мұндай жағдайда резиденті өнер қызметкері немесе спортшы болып табылатын Мемлекетте ғана салық салынады.