Тармақ 1. Осы Баптың ережелері осы Конвенцияның басқа ережелеріне қарамастан, мыналарға қолданылады. 2. Уағдаласушы Мемлекеттің резиденті болып табылатын және екінші Мемлекетте орналасқан теңіздің табанын және оның жер қойнауын, басқа да табиғи ресурстарын барлауға немесе игеруге байланысты басқа Уағдаласушы Мемлекетте оффшорлық қызметті жүзеге асырса, осы баптың 3 және 4-баптарына сәйкес осы екінші Мемлекетте орналасқан тұрақты мекеме немесе тұрақты база арқылы кәсіпкерлік қызмет жүзеге асырылатын мұндай қызметке қатысты болып саналады. 3. Егер қызмет кез келген он екі айлық кезеңде жалпы 30 күннен аспайтын кезеңде жүзеге асырылса, 2-тармақтың ережесі қолданылмайды. Алайда, осы тармақтың мақсаты үшін: а) басқа бір кәсіпорынмен қауымдасқан кәсіпорынның жүзеге асыратын қызметі, егер сөз болып отырған қызмет соңғы аталған кәсіпорын жүзеге асыратын қызметпен елеулі түрде ұқсайтын болса, өзі қауымдасқан кәсіпорын жүзеге асырған сияқты қарастырылуы мүмкін; б) екі кәсіпорын, егер біріншісін екіншісі тура немесе жанама түрде бақылайтын немесе екеуін де үшінші тұлға немесе тұлғалар бақылайтын болса, қауымдасқан болып саналады. 4. Уағдаласушы Мемлекетте теңіз табанын және оның жер қойнауын және табиғи ресурстарын барлауға немесе игеруге байланысты қызмет жүзеге асырылатын орынға немесе орындардың арасына қорларды немесе қызметкерлерді тасымалдаудан немесе қызметкерлерді тасымалдаудан немесе кемені жетекке алатын кемелерді көмекші пайдаланудан және осындай қызметке басқа кемелерді пайдаланудан Уағдаласушы Мемлекеттің резиденті алған пайдаға кәсіпорын резиденті болып табылатын тек Уағдаласушы Мемлекетте ғана салық салынады. 5. а) Осы тармақтың b) тармақшасын ескере отырып, Уағдаласушы Мемлекеттің резиденті екінші Уағдаласушы Мемлекетте орналасқан теңіз табанын және теңіз табанының жер қойнауын және олардың табиғи ресурстарын барлауға немесе игеруге байланысты жалдау жөніндегі жұмыстарға қатысты алған еңбекақыға, жалақыға және сол сияқты сыйақыларға осы екінші Мемлекеттегі оффшорда осы қызмет қалай жүзеге асырылуына қарай осы екінші Мемлекетте салық салынады. Алайда, егер екінші мемлекеттің резиденті болып табылмайтын жалдаушы үшін жалдау жұмыстары оффшорда және кез келген 12 айлық кезеңде жалпы алғанда 30 күннен аспайтын кезең немесе кезеңдер ішінде жүзеге асырылса, мұндай сыйақыға тек бірінші аталған Мемлекетте ғана салық салуға жатады; b) басқа Уағдаласушы Мемлекетте теңіз табанын және оның жер қойнауын және олардың табиғи ресурстарын барлауға немесе игеруге байланысты қызмет жүзеге асырылатын, орналасқан орынға немесе орналасқан орынның арасында запастарды немесе қызметкерлерді тасымалдаумен айналысатын кеменің немесе ұшақтың бортында орындалатын жалдау жұмыстарына қатысты немесе кемені жетекке алатын кемелердің бортында орындалған немесе осындай қызметке көмекші басқа кемелерді пайдалануға байланысты жүзеге асырылатын жалдау жұмыстарға байланысты Уағдаласушы Мемлекеттің резиденті алған еңбекақыға, жалақыға және сол сияқты сыйақыларға осындай қызметті жүзеге асырушы кәсіпорын резиденті болып табылатын Уағдаласушы Мемлекетте салық салынуы мүмкін. 6. Уағдаласушы Мемлекеттің резидентінің: а) барлауға немесе игеруге арналған құқықтары; немесе б) екінші Уағдаласушы Мемлекетте орналасқан мүліктерді және осы екінші Мемлекетте орналасқан теңіздің табанын және оның жер қойнауын, басқа да табиғи ресурстарын барлауға немесе игеруге байланысты пайдаланылатын мүліктерді; с) мұндай құқықтардан немесе осындай мүліктен, немесе осындай құқықтарды немесе осындай мүлікті қоса алғанда тура немесе жанама түрде өз құнын немесе оның көп бөлігін алатын акцияларды - шеттетуден алатын табыстарға осы басқа Мемлекетте салық салынуы мүмкін. Осы тармақтағы "барлауға немесе игеруге арналған құқықтар", екінші Уағдаласушы Мемлекетте орналасқан теңіз табанын және оның жер қойнауын, басқа да табиғи ресурстарын барлаудың және игерудің нәтижесінде алынатын активтерге деген құқықтарды, мұндай активтерден алынатын немесе жеңілдіктерге деген құқықтарды қоса білдіреді.