Тармақ 1. Уағдаласушы Мемлекеттердің құзыретті органдары салықтарды проценттермен, шығындармен және осы Бапта "салық талабы" деп аталған салықтарға жататын айыппұлдармен бірге жинауда бір-біріне көмек көрсетуге міндеттенеді. 2. Уағдаласушы Мемлекеттің құзыретті органының салық талабын жинауда көмек көрсету туралы тілек-талабы мұндай органның осы Мемлекеттің заңдарына сәйкес салық талабы түпкілікті белгіленгенін растауын қажет етеді. Осы баптың мақсаттары үшін салық талабы, егер Уағдаласушы Мемлекет өзінің ішкі заңдарына сәйкес салық талабын жинауға құқығы болса және салық төлеушінің мұндай алымды тежеуге бұдан әрі құқығы жоқ болса, салық талабы түпкілікті белгіленген болып табылады. 3. Көмек көрсету туралы тілектің мазмұны болып табылатын талап осындай көмек көрсететін Уағдаласушы Мемлекетте есептелетін салықтардан басым болмайды және 26-баптың (Өзара келісу рәсімі) 1-тармағының ережелері, осы бапқа сәйкес, сондай-ақ Уағдаласушы Мемлекеттің құзыретті органы беретін кез келген ақпаратқа қолданылады. 4. Басқа Уағдаласушы Мемлекеттің құзыретті органы жинау үшін қабылдаған Уағдаласушы Мемлекеттің табыс талабы басқа Мемлекетте осы Мемлекеттің өз заңдарының ережелеріне сәйкес оның салықтарын жинауға қатысты түпкілікті белгіленген, өзінің табыс талабы сияқты талаппен жиналады. 5. Уағдаласушы Мемлекеттің өкілетті органы жинаған салықтардың сомасы осы Бапқа сәйкес басқа Уағдаласушы Мемлекеттің құзыретті органына жіберіледі. Алайда, Уағдаласушы Мемлекеттің құзыретті органдары өзгеше келіспеген болса, салықтарды жинауға көмек көрсетуге байланысты ұшыраған әдеттегі шығыстарды бірінші аталған Уағдаласушы Мемлекет жабады және осындай тұрғыда ұшыраған, кез келген көзделмеген шығыстардан басқа Мемлекет жабады. Уағдаласушы Мемлекет көзделмеген шығыстарға ұшырауы мүмкін деп болжамдаса ол бұл жөнінде басқа Уағдаласушы Мемлекетке хабарлайды және мұндай шығыстардың есептік сомасын көрсетеді. 6. Егер Уағдаласушы Мемлекеттің салық талабы, оның арыздануға немесе сотта тексерілуге жататындығынан, түпкілікті белгіленбеген болса, онда бұл Мемлекет табыстарын қорғау үшін, басқа Мемлекеттің билігінде бар тоқтату жөніндегі уақытша шараларды, осы басқа Мемлекеттің заңдарына сай, өзінің атынан қолдану туралы басқа Уағдаласушы Мемлекетке тілек білдіре алады. Егер басқа Мемлекет мұндай тілекті қабыл алса, онда мұндай уақытша шараларды осы басқа мемлекет, бірінші аталған Мемлекетке тиесілі салықтар осы басқа Мемлекеттің өз салықтары сияқты қолданады. 7. Осы Бапқа сәйкес, егер салықтық борыштары бар салық төлеушінің есептелген салықты алу үшін осы Мемлекетте жеткілікті мүлкі болмаған жағдайда ғана, Уағдаласушы Мемлекет талап-тілек жасай алады. 8. Осы Бапқа сәйкес, егер салық талабы салық төлеуші бірінші немесе басқа Уағдаласушы Мемлекеттің резиденті болып табылмаған кезеңге жататын болса, Уағдаласушы Мемлекетке салық төлеушіге қатысты көмек көрсетілмейді. 9. Осы Конвенцияның 2-бабының (Конвенция қолданылатын салықтар) ережелеріне қарамастан осы Баптың ережелері кедендік алымдар мен баждан басқа салықтардың кез келген тегіне және түріне қолданылады. 10. Осы Бапта ештеңе Уағдаласушы Мемлекеттердің ешқайсысына, өзінің меншікті салықтарын жинаған кезде қолданатындағыдан өзгеше немесе оның мемлекеттік саясатына (қоғамдық тәртібіне) қайшы келетін сипаттағы, әкімшілік шараларды қолдану туралы міндеттемелерді тану ретінде пайымдалмайды.